أستفدت من مواضيعكم والحين ابيكم تساعدوني

السلام عليكم
صباحكم خير يارب 🌷
طبعاً مثل ماهو مكتوب بالعنوان اني استفدت من تجاربكم كثير مره بالذات بهالقسم
وانا اعشق الترتيب والتغيييير والنظافه اكيد

اول شي بقولكم عني شوي
متزوجه من كم شهر . ساكنه في شقه إيجار لابأس فيها مكونه من :
مجلس رجال ومقلط وحمام .. منفصلين عن داخل البيت بس بباب واحد
صاله وغرفة وغرفة نوم ومطبخ وحمام

المفروش بالبيت . الصاله وغرفة النوم ومجلس الرجال فقط !
ساكنين في مدينه م نعرف فيها احد
بالبدايه جهزنا هالغرف وتركنا غرفتين فاضين
لان م نحتاجهم في هالوقت

المهم ~> خشي في الموضوع

غرفة الحريم حاطه فيها شنط السفر وملابس الشتاء والمنشر حق الغسيل و المككوا والمكنسه😦

والمقلط فيه سير للرياضه 💪
و كوووووووووومة كراتين حق اثاثنا وكذا
مأملين النقل عشان تكون الكراتين جاهزه 😿

الزبده واللي حممممسني من مواضيعكم
اني ارتب هالغرفتين لأني احسهم ثقال على قلبي ومو عاجبني ابداً ترتيبهم بس مادري شسوي😤

هاذي نقطه ، النقطه الثانيه
مطبخي صغيييير عباره عن جهه وحده دواليب
وجبت لي طاوله يقالي توسعت شوي

وفوق المطبخ بروضو كراتين مادري وش احس فيه مجمعتهن 😭 شكله بشع ✋

وثلاجتي حليله ع قدنا . بس احس يوم جاء رمضان الله يبلغناه يارب ❤️
ححسيت الفريزر صغير علي وماياخذ التفريز

نجي لحمامنا وانتم بكرامه
حجمه حلو مناسب فيه غسالتي اتوماتيك

قبل كنت حاطه فيه دولاب بلاستك ادراج
وطلعته لان كل شي طلعته فوق الدولاب ههههههههههههه ابي كل شي برا
المهم استفدت منه بالمطبخ حطيت فيه
المنظفات الزايده+الاكياس+اغراض الحلا من قوالب وهيك + التغليف والقصدير
المهم انه رتب لي المطبببببخ مرررررره

وحطيت اغراض الحمام بصندوق كبير وفوق الغساله اذا بغيت الغساله طلعته برا يعني معاناه هههههههههه


عاد ... ابي افكاركم ومساعداتكم
الكراتين عجبتني حركة التغليف والاستفاده منها
لكن عطوني ب ايش استفيد منها بالذات للمطبخ

اللي فكرت فيه بما اني مساافره مو ببيتي
اني لما ارجع .. برجع قبل رمضان بيومين
اني ارتبه من جديد واستقبل رمضان بلوك حلو

طبعاً خططت اجيب رفوف للحمام
هاذا اول شي .. واهم شي


ممم اي بقولكم شغله
حطيت في المطبخ خمس علاقات بالجدار
طبعاً كل واحد في مكان ك الاتي :
عند المجلى : للشخالات > عرفتوهم
بعيد عن المجلى شوي للمناشف الي امسح فيهاا
وعند الفرن ؛ للبيز
و على نفس الطاوله للاسلاك للادوات الكهربائيه
صافتهم غلاية مويه والة ساندوتشات للاستخدام لليومي لما اخلص منهم اعلق اسلاكهم مع بعض عشان م يكون طايحين وشكلهم غبي
وعلاق للمناشف حقة التنشيف


اتمنى افدتكم ببشي بسيط
وانتظر ردودككم ... ولما افضى اجي احكي لكم عن كل شي اعررررفه

يالله ابي هممتكم حمسسسوني عشان اذا رجعت اكون نشيييطه ومن الحين اكتب وش اسوي عشان ماضيع وقتي

... ومشكوووريين ع كل شي استفدته منكم من غير م تدرون ولكم دعوة بظهر الغيب ❤️❤️❤️❤️