أستفسار عن عيادة الأسنان الله يخليكم !!

السلام عليكم و رحمة الله و بركاته


أرجو من المشرفآت مآ يحذفون موضوعي لاني
مآ عرفت وين احط الموضوع بأي قسم
ولاني مره محتاجه مساعده من الي عندهم خبره
في عيادة الاسنان

أبقولكم قصتي أنا يا بنات كانت أسناني مسوسه تسوس بسيط
و ما كنت معطيه الامر اهميه حتى صار اربع اضراس عندي فيها تسوس واصل للعصب
المهم أني صرت ما أقدر اكل مضبوط
و أسناني دايم توجعني

فرحت لعياده عندنا و دخلت و كشفت على الاسناني
وقالت لي الدكتوره انه لازم اشيل العصب من كل الاسنان الاربعه عاد انا انهبلت قلت لها وش كلهم
لاني حاسه انه بس واحد الي طالع فيه العصباو اثنين و يوم كشفت صارو كلهم

المهم أنها قالت لي انو قطع العصب في كل سن بـ 500 ريال

يعني المجموع كله الفين
وقالت لي انتي اسنانك التسوس فيهم كبير لازم تلبيس بعد الحشو و الا ترا تطيح الحشوه
مع انه اثنين من اسناني صحيح ما بقى فيهم الا القليل لكن الاثنين الباقين مو مره فيهم التسوس

و مع ذالك قالت لي لبسيهم وتلبيس السن الواحد بـ500 المهم انه المجموع 4000

طبعاً وهي تكشف علي شافت سن لونه شويه متغير وقالت لي انه لازم اسوي له تنظيف لانه فيه بدايت تسووس انا مادري وشلون يعني تنظيف يعني راح تحفر السن وتحشه من فوق

لانه بصراحه خايفه انها تلعب علي وتبيني ادفع وبس

حتى قبل لا ادخل عليها واكشف كان قبلي فيه وحده واسمع صوت الدريل قسم اني بغيت اهون ما ادخل لكن اني حكمت عقلي وقلت لازم ادخل يعني لازم
و قلت وجع لازم اتحمله حتى ما يروحون فيها اسناني :44:
المهم يا حوائيات

أبيكم تجاوبن على اسألتي

1- ماهو احسن نوع من الحشوه و أكثر تحملاً؟؟
2- مافيه وسيله أخرى غير الدريل لحشي الاضراس ؟>> خوافه
3- هل الدكتورة كانت صادقه معي من ناحية المبلغ الي ذكرته فوق ؟
4- هل اسوي تنظيف لسن الي قالت لي انه فيه بداية تسوس والا اروح لدكتوره غيرها واسئلها ؟
5- بأي جنسيه من الدكاتره تنصحوني بالمصريات والا السوريات والا الفلبينيات للحشو لأني خايفه اروح عند وحده تحفرلي الضرس حفر ؟
6- الي جربت تحشي اضراسها تقولنا كم صار لها سنه و وش نوع الحشوه الي حطتها ؟


انا بقولكم الي فهمته من الدكتورات الي رحت لهم فهمت ان في انوع متعدده للحشوات فيه
دكتوره قالت لي فيه حشوه بيضاء وحشوه سوداء بس

و الي كشفت عندها قالت انه فيه حشوه تجميليه لسن وحشوه فضيه
مع العلم انه كل وحده هالدكتورات في عيادة مختلفه

بنات انا مو فاهمه و نفسي اعرف وش الحشوه الافضل و تتحمل وما يتغير لونها
الله يخليكم ردو علي

الله يشفي كل محتاجه و يرزق كل من تلاقي لي اجابه على اسئلتي اللي تبي يارب

دعواتكن لي