أستفسار.. لطبيبة أو مختصة نساء..

السلام عليكم ورحمة الله وبركاته..

حبيت أستفسر عن حالتي اللي يعلم الله قد أيش متعبتني ..

قبل ثلاث شهور تأخرت علي الدورة أسبوع بعدين صار ينزل مني -وأنتم بالكرامة ماء لونه بني- حللت تحليل منزلي فكان يطلع وردي فاااااتح بعدها حللت تحليل الدم وطلعت النتيجة (إيجابي ضعيف)، وبعد ثلاث أيام نزل مني دم رحت للمستشفى وعطيتهم نتيجة تحليل الدم فأخذوا لي أشعة وقالت الدكتورة مو باين شي تعالي بعد أسبوع.وأستمر 6 أيام بعدها توقف ، ولما رحت للموعد وبعد اخذ الإشعة قالت أنه ما فيه شي وممكن يكون سقط..
بعدها رجعت دورتي على حالها منتظمة-أحيانا تقدم يوم أو يومين-
وهذا الشهر تأخرت علي ستة أيام و الآن نزل مني الماء البني..
أنا الآن حالتي النفسية صعبة جدا خصوصا أنه ماعندي أطفال وصار لي عشر شهور أنتظر الحمل..

أحب أعرف:
هل اللي مريت فيه قبل ثلاث شهور كان حمل؟! وإلا أيش ممكن يصير؟!
الأمر الثاني هل احتمال أكون الآن حامل وخطر أسقط؟! و إلا ليش تأخرت على وهي بالعادة ماتتأخر؟!