أستفسر عن كريمات أيفلون الثلاثه :(

حبيبي وربي روووووعه تصفي وتفتح ومافيها كرتزيون

يعني مضمووونه انا استخدمها ع طول

انتي استخدميها شهر كامل كل يوم بعدها ريحي شهر و ارجعي استخدميها تاني

بس لمن تقطعيها شهر اهتمي بالتقشير جسمك بعد كل استحمام كريم كاب هو صنفره وسعرو 35 ريال

رهييييب أشتري صابونة ريكو ب 3 أو 4 ريال وصابون مغربي اصلي

كل يوم أول ماتدخلي الحمام أتروشي بصابون مغربي حطي من تحت لفوق ودلكي بليفة بدي شوب من تحت لفوق و أشطفي بالمويا

بعدين دلكي جسمك بصابونة ريكو من تحت لفوق من دون ليفه و أتركيه 3 و اشطفي بالمويا بعدها حطي صنفرة كاب من تحت لفوق ودلكي بيدك بحركات دائريه

من تحت لفوق خليها 3 أو 5 دقايق و اشطفي بالمويا و انزلي وجففي جسمك و أهم شي رطبي بأي كريم أو لوشن تحبيه بس مايكون معطر بس لو تحبي اللوشن المعطر استخدميه للمناسبات بس

ولو كنتي تتروشي 2 أو 3 مرات في اليوم أتروشي في المرتين الأولى بصابونة ريكو و المره 3 بالطريقه اللي كتبتها فوق

والله من أول مره بتدعين لي مررره تفتح وتصفي الجسم والاماكن الحساسه

ونصيحه مني أحرصي ع الواقي و اقي حق نتروجينا أنا أشتري واحد واقي و اخلطه مع اللوشن حقي من فازلين اسمو رينول ولونو بنفسجي الجديد مررره حلو لتجدد البشره ويحمي من التجاعيد المبكره و مع الاستمرار يزيل الخطوط
امي و أختي عجبهم سارو يستخدموه

طبعا أفرغ اللوشن في زبديه زجاج أو بلاستك و أفرغ الواقي ة أخلطه بملعقه بلاستك تمااام و أرجعه في العلبه ولو زاد شويا احطه في علبة تانيه .

لاتتكسلي وتقولين تعب بالعكس مررره سهل شجعي نفسك وبتشوفين


صح نسيت اقولك الكريمات لمن تخلطيها حطيها في علبه زجاج وبعدين لبسي العلبه بشراب لونه أسود متين عشان مايتغير لونها مع الضوء وتبقى زي ماهيا أنا حقي لها فتره طويله زي ماهيا و

أدهني منها في الليل ونامي ولاصحيتي أتروشي بطريقتي أنا ادهن المناطق الحساسه منها والله تركتها فتره قلت بشوف اش يسير الحمدلله ماتغير شي والله المنطقه الحساسه زي ماهيا لونها فااااتح

لمن تشوفي نتيجه راسليني ع الخاص

أدعي لي ربنا يفرج همي ويفرح قلبي بكل خير ويحقق أمنياتي ويريح قلبي ع خير يارب .

يسلموووا حبيبتي وسنفرة كاب موجوده ؛)

تنفع للرقبه ?والصدر ؟

طيب هل اخلطها كل؟؟؟ها بعلبة

والاكل يوم اخلط كمية بسيييطة؟؟

تنفع للمنطقه الحساسه ولالا

لووووول انا أسأل مثلكم