هلا بنات حواء شخباركم
والله اني حبيتكم لله في لله
واني ما افضفض الا لكم ..
واسمحولي ما اقدر ارد غير 3 مشاركات باليوم
..
الله يسلمكم سالفتي اني تعرفت على زوجة صاحب زوجي وكل مره انا اعزمها عندي او زوجة صاحب زوجي الثاني تعزمها
وبالاخير هي اصرت الا نجي عندها في شقتها
وطبعا حنا 3 حريم
تأخرنا شوي انا وزوجي على ما لقينا شقتهم
ودخلت الشقة راح زوجي للمجلس وطقيت باب الصالة وفتحت لي اهي
وقعدت اسلم عليها ولا انتبهت لها زين وسلمت على زوجة صديق زوجي الثانية
توني ابفصخ عباتي الا انا وجهي كذا:11:
الحرمة لابسه شي والله ورب البيت اني استحيت اناظر فيها
قميص نوم نص الفخذ والبطن طالع
وشفاف
وصبني العرق وقمت اناظر الحرمة الثانية الا اهي تبوسم لي لان شكلها حتى هي مصدومة
وانا حييييل تضايقت من هالموقف
ومرت الشهور وعزمتها عندي وكلمت الحرمة الثانية وقالت انها مشغولة
والحمدلله طلع لبسها ساتر هالمره
..
وامي قالت ابعدي عنها اللي تلبس كذا ينخاف منها
ومرت الايام
الا زوجي يقولي وش اخبار مرت فلان وانا اقوله تمام
قال للحين تتفصخ؟؟؟
وانااااا ؟؟؟
هااااه
ايششش
وطقتني البوهه
قال لا بس قلت بعزم خوياااي على العشا
واعتذر خويي الثاني وقال ان مرتي ماجازت لها مرت فلان لان لبسها خالع ومش مستور
وان مره هي عزمتها لبيت اهلها جات بلبس اعوذ بالله
ومنها هي قطعت علاقتها
عاد انا بلعت ريقي
وصرفت الموضوع
قلت هههه يا حليلها فلانة مدري ماشفت عليها شي من هالقبيل
وابي رايكم هي البنت مو سعودية بس متزوجة سعودي
وتتغطى غطى كامل بس عيبها خالعة مررره مررره
لدرجة تحكيني بالتفصيل الممل عن علاقتها مع زوجها وترويني صورهم باوضاع بوس وضم والله استحي يطييح وجهي
وهي حبوبة وطيبة وماشفت منها الا كل خير
بس عيبها هالشيئين الجرأة والخلاعة
وهي عازمتني عندها هالاسبوع وبجيب لها هدية طلاعتها من النفاس
وربي خايفة لاتتفصخ لي انا استحي خجولة عشت في مجتمع محافظ مرره حتى حفر مانلبس قدام بعضنا يالحريم واذا قصير نص الساق ومعاه شراب
تكفون قولولي اسوي مثل الحرمة الثانية واقطعها بدون سبب
ولا استمر معاها
ودي انصحها بس اخاف تكرهني
بس مشورتكم تكفووون:44:

أم علي ويارا @am_aaly_oyara
عضوة جديدة
يلزم عليك تسجيل الدخول أولًا لكتابة تعليق.


من الواضح ان المجتمع الذى نشأت فيه مجتمع مفتوح
وهذا اللى تشوفينه عيب من وجهه نظرك لا تراه عيب من جانبها
على كل الاحوال لكى حريه الاختيار اما تنصحيها او تبتعدى عنها
وانا افضل انك تنصحيها كى تكسبى الاجر بأذن الله
والله يهدى الجميع
وهذا اللى تشوفينه عيب من وجهه نظرك لا تراه عيب من جانبها
على كل الاحوال لكى حريه الاختيار اما تنصحيها او تبتعدى عنها
وانا افضل انك تنصحيها كى تكسبى الاجر بأذن الله
والله يهدى الجميع

والله مدري ياقلبي بس العيب بصراحة على الثانية ليش تروح تسولف عند زوجها إن لبس الحرمة فاصخ وزوجها يجي يسلف عند زوجك أحس عيب سوالف الحريم تطلع ..

يا تنصحينها يا تقاطعينها... وبعدين يالغالية أي وحده تحكي لك عن علاقتها الخاصة بزوجها لابد تسكتينها وبدون تردد هالشي مافيه مجاملة
الصفحة الأخيرة
و أن ما عدلت لبسها او ما تقبلت لا عاد تشوفينها افضل لك
والله يستر علينا