هلا بحبايب القلب وحشتوني واااااايد وربي يعلم ان غيبتي غصب عني
عاد قلت بعد هالغيبات ورجعتي لكم بالسلامة قلت لازم أنزلكم بهالمناسبه طريقه
يديده ( لأم علي ) معشوقه الجماهير وأتمنى تحوز على أعجابكم
نووووووووخوووووش على مقاديرها وطريقتها بالصور الممله
ساعات تيجيني من الكويت (صوغه) هديه وياها درابيل ناكل منها مع الشاي
وتبطي عندي أقوم أستغلها بهالطريقه قريت ردودكم تستفسرون عن الدرابيل
رجعت سويت تعديل بالموضوع رحت صورت الكرتونه ونقلت
كلام الأخت نفله وقالت
الدرآبيل هذي حلوى إيرآنية هشة دآخلهآ قرفة وسكر مطحون ..
أذكرهآ تبآع في خيمة التسوق بالطآئف
شوفوا صورة الكرتون
وهذي شكله
أول شي تصفين الدرابيل بصينية البايركس
هاتي حليب اللي يعجبج كاهو مبين العلبة الكبيرة
أغليه على النار بعد ماتضيفين عليه السكر على حسب ذوقج أنا حطيت 4 فناجين قهوة
وفانيليا وصبيه على الدرابيل وتركيه يتشرب
رشي عليه مكسرات لوتكون محمصه بيكون أحلى وأحلى وأذا تحبين زبيب حطي أنا عيالي مايحبون الزبيب فماحطيته
يتبع يالغاليييييييييييييين
زينيها بالمكسرات ودخليها الثلاجه يوم كامل
وتعالي وأستمتعي بأحلى أم علي
ولاتنسوني وأنتوا تاكلونها تدعون لي يعطيني على قد نيتي وبس......
وصحتين وهناء وعافيه
بنات اللي بتسأل عن بديل الدرابيل عن نفسي أستعمل خبز رقاق
اللي ناكله برمضان مع التشريبه أو رقائق الباف باستري
وبعد في مره سويتها بالفطير المشلتت