.0.00.0.
اول مرة في حياتي اكتب موضوع سنع

ليا فترة افرفر على اليوتوب واشوف اهتمام الاجانب من مكياج بشرة الخ .."
بس في وحدة صينية من جد شيء خطيييرة سواء بالمكياج او بالبشرة .. جبتلكم كل اسرارهم الي دريت عنها
ويمكن اغلبها كانت جديدة عليا وعليكم لكن بعضها نعرفها .. المهم ياليت ماحد ينقل موضوعي من دا القسم خلوه في قسم البشرة افضل ,. لان هو اساسا عن الاهتمام بالبشرة بس حبيت اضيف شوية لمسات مكياج مع شعر .. اوكي ياليت ماتنقلو الموضوع خلوه هنا ..
.0.00.0.
راح اقسم الموضوع لأقسام :
1- قسم المكياج واسراره
2- قسم البشرة
3- قسم الشعر ..
.0.00.0.
بخلي البشرة اخر شيء لان الكلام حيكون كتيييييييير المهم خليكم معايا
*اول شيء الشعر:
- يستخدمو زبدة الشيا مررة تنعم .
- بعد ماتخرجي من الحمام وحبيتي تسوي تسريحة كريلي .. انتظري لما شعرك ينشف شوية
paper
بدل مايستعملو لفاافات الكرلي ..(شوفو الاقتصاد ) تجيبي ورقة عادية سمكها متوسط ..وتقسميها لأقسام تكون مستطيلة
papaer
1papaer
وتلفي بيها شعرك وتنامي ولما تصحي من النوم يطلع ملفوووف بقووووة .. مع ان شعرها ساايح لكن نفع معاها :27:
111papaer
- وحدة امركية تستعمل السيراميك لشعرها وطريقتها مررة روعة .. تقسمي شعرك حسب ماتبغى وتمشطي الخصلة قبل مااتمرري السيراميك عشان مايطلع منفووش ..
وترشي هذا البخاخ طبعا قبل :
tre
وتحطي هذا الكريم :
chhiii
فائدته حماية الشعر من التقصف ومن حرارة السيراميك ، او تدهني شعرك بالسيرم الكرستالي .. وفي اخر خصلة من الشعر تلفي السيراميك على الشعر يطلع كريلي ..سايح من فوق وكريلي من اسفل يطلع جنان
طبعا البخاخ موجود بصيدلياتنا بس الكريم مادري بصراحة ممكن نستبدل الكريم زي ماقلتلكم بالسيرم .
.0.00.0.
قسم المكياج :
ولا عمري حبيت المكياج الا من دي الصينية ! من جد حسيت ان المكياج يغير من الشكل لدرجة كبييرة ..
وبصراحة مكياجها غير عن كل الناس .. وغير عن الخليجيات الي مكياجهم ثقييل بقووة .. مع ان الغرب ترى يمدحو في مكياج العرب يقولو احسن مكياج شفناه وياجمال العرب وكلهم متجننين على مكياج العرب ..
دخل واحد مدري وحدة قال : بس هما مظلومين لانهم تحت الغطاء الاسود ، عشان كدا شاذات مايشوفو الا الحريم زيهم <<< اتخيلو والله كدا قال ..
المهم ماعلينا فيه وفي تفكيره على نفسه هههههههههههههه احنا عاجبنا شكلنا كدا صح بنات:27: .؟؟
وين كنا ؟ ايوه في المكياج اول شيء :
- عشان تطلع شفايفك حمرة زي الفنانات... حطي اول شيء كونسيلر خافي عيوب على الشفايف كلها بعدين جيبي محدد للشفايف احمر وحددي اول شيء على حدود الشفايف ثم املئيها بنفس المحدد .. وجيبي روج احمر اللون حطي على الشفايف .. اخر شيء القلوس الاحمر اللون ..فائدة الكونسلر يخلي الروج يبقى فترة اطول يعني كإنه مثبت ..
wwwww
وجيبي منديل عادي .. وافتحي فمك وقفلي على المنديل امممم ماني عارفة اشرح
عارفين ليش عشان مايلصق في الاسنان لون الروج ..
ssss
2222
- عشان تطلع شفايف زي باربي .. او زي العرايس حطي الكونسيلر حولين الشفايف من فوق ومن تحت يعني كنك تحدديها لا تحطيها على حدود الشفايف لاأأ لكن فوق الحدود
liip
فهمتو عليا بعدين جيبي البودرة الي استعملتيها لوجهك وحطيها على الكونسيلر الي حددتيه ..عشان يثبت الكونسيلر .
32222
جربوووها مرررة تطلع الشفايف تجنن ..!
والصينية تمدح دا الكونسيلر وفعلا يخفي العيوب بشكل عجيب ..
ksdgv
- خدعة العيوون الكبيرة :
eyyye
جيبي عدسات لاصقة من النوع الي يكبر العيون والبسيها بعدين حطي ايلانير ابيض داخل العيوون ثم حددي العيون بالكحل الي تفضليه وحطي المكياج الي تفضليه .. والخدعة الرهييبة هي حطي رمووش صناعية منن فوق ..
وكمان من تحت بس تقسمي الرمش لنصين وتحطيه بس من جنب ..
- خدعة لرسم الحواجب لكن تحذير بصراحة انا مادخلت مزاجي بس شوفو واحكمو : تجيبي غراء UHO وتمرريه على جواجبك ..
eyyye2
بعدين تستني لين ينشف وتحطي كريم اساس على الحاجب بعدين ترسميه عادي .. بس يطلع شكله رووعة بس مجازفة ..
1eyyye2
- عشان تصنعي كريم اساس ولنفترض بأن الكريم الي عندك غامق .. وتبغي كريم الاساس تبعك فاتح اخلطي قليل منه مع كريم ابيض مثلا اخلطيه مع اولاي بالتوت البري يطلع الاساس فاتح ..
- لعشاق الجليتر .. عشان تحطي اللمعات على جفن عينك وعشان تضمني انه حيثبت اطول فترة ممكنة .. حطي قلوس مسحة خفيفة على الجفن ثم حطي الجلتر بسهولة راح يلزق ..
132222
- اذا قرب الجلوس ينتهي او مابقي منه الا ربعه ، جيبي كوب ماء فيه موية حارة يعني غليتيها بس استني لما تصير دافية مائلة للحرارة ..
glooos
حطي الجلوس زي ماهو على الكوب واستني فترة لين تلاقيه صار كإنه شبه سائل .. بعدين استعمليه عادي الغرض من التجربة ان الجلوس يكثر شووية .. وفعلا شفتها بعيني صار كثير غير عن اول .
هنا كان قليل مرة لكن طلع للنص :
2glooos
- كيف تغسلي فرش المكياج ؟ :
بأسهل طريقة وبعيدا عن المنظفات الغالية ، جيبي صحن عادي وزيت زيتون وفيري او اي منظف لطيف
bruush
اسكبي في الصحن بحيث يكون نصف الصحن زيت زيتون .. والنصف الاخر فيري ومرري كل فرشة على الاثنين معا بحركات دائرية يعني لازم تمرري الفرشة على زيت الزيتون وتنتقلي للفيري .. نظفيها بعدين اغسلي الفرش تحخت الماء الجاري بحيث تكوون مقلووية يعني راس الشعيرات لاسفل .. عشان ماينتقل الماء لداخل الفرشة .
بعدين جيبي كوب ثاني ورصي الفرش وهي مقلوويةبعد فترة مري عليها لما تنشف حتلاقي الموية الي دخلت بالغلط للفرش نزلت اسفل الكوب ..فائدة زيت الزيتون عشان يزيل المكياج خصوصا فرشة الايلانر الاسود الي صعب ينزال مع زيت الزيتون وبكل سهولة تنظف وبنفس الوقت يرطب الفرشة عشان ماتصير جافة .
وتقول ان الفرش لو مانظفناها راح تتراكم عليها البكتريا وتلوث وجهك ، اما فرشة الاساس لازم تنظفيها كل ماتجي تستخدميها لان البكتريا تتراكم على السوائل اكثر .. يعني مع الفاونديشن السائل .
<<<< راح تنتحر الصينية لو شافت شكلهامظلل

- كيف تضعي احمر الخدود .؟
اذا كان وجهك طويل او بيضاوي حطيه فقط على تفاحة خدك .. لاا لاا تمرريه الين الاذن غلط .!
اما صاحبات الوجه العريض مرريه عادي من التفاحة الين الخلف

- اذا كنتي راح تتصوري .. احرصي على ان يكون كريم الاساس لا يحتوي على SPF عشان مايعكس الانوار وتطلع الصورة كإنك شبح وجهك ابيض وجسمك اسمر عن لونك !!
اختاري كريم اساس لا يحتوي علي spf يعني واقي من الشمس لان الواقي لما نحطه تلاحظي وجهك يطلع ابيض عن المنطقة الثانية الي ماحطيتيها فيه ، لان وظيفة الواقي عكس الانوار .
.0.00.0.
تعبت من الكتابة اممم مدري نسيت شيء ولا لا بس اذا افتكرت راح ارجع ، الموضوع من جهدي الشخصي ..
تركت قسم البشرة اخر شيء لان الموضوع اساسا عنه ولان عندي حكي كتير عنه وكيف اعتناء الاجانب ببشرتهم خصوصا الصينيات الي استغربت ماشاء الله كل دا اهتمام ؟
ولاحظت شيء عليهم انهم متعاونين يورو الناس كل اشياءهم
كيف يهتمو مو زي بعض البنات تخليه سر ومستحيل تعلم حتى العطور مستحيل يقولو بينما وحدة امريكية ورتنا صورة عطرها الي تفضله وورتنا شنطتها من جوا ايش فيها .. وتورينا كيف عنايتها للشتاء وكيغ في الصيف .. والصينية تسوي اقنعة وتعلم كيف تهتمي ببشرتك ماقالو لأأ هذا سر ومستحيل اعلم يعني بصراحة شيء مرررة يقهر :mad: ليش البنات العرب (بعضهم وليس كلهم ) يعتبروها اسرار .؟؟.
ليش مافي تعاون ليش ماتتمني الخير لغيرك ؟
اما بصراحة الاجانب احييهم على تعاونهم وحبهم للخير ..
لكن في نفس الوقت اغلب عضوات حواء عسوولات اتعلمت منهم اشياء كثييرة سواء بشرة سواء طبخ ناس ادعي لهم لانهم فادووني ويحبو الخير لغيرهم , وهما السبب الي خلاني اكتب الموضوع واعلمهم الاسرار دي الي يمكن تفيدهم في حياتهم ويدعوولي
ياليت موضوعي ينبهكم لدا الشيء خلونا نفيد ونستفيد :27:
بروح انام وارجع اكملكم .. لاتخافو راجعة بإذن الله ..
لكن لو مالقيت ردود تحمس ماراح اكمل عدلت ع الموضوع عشان انصدمت 84 مشاهدة و8 ردود :44:
دعواتكم لي بأن ربي يحقق لي الي في بالي ويوفقني ويسعدني ويغنيني من فضله ..
ربي يوفق كل من دخلت وقرأت الموضوع ..ويسعدها يارب
.0.00.0.
http://forum.hawaaworld.com/showpost...9&postcount=56
http://forum.hawaaworld.com/showpost...&postcount=105
http://forum.hawaaworld.com/showpost...&postcount=109
http://forum.hawaaworld.com/showpost...&postcount=114
http://forum.hawaaworld.com/showpost...&postcount=117
http://forum.hawaaworld.com/showpost...&postcount=122
http://forum.hawaaworld.com/showpost...&postcount=167
http://forum.hawaaworld.com/showpost...&postcount=171
http://forum.hawaaworld.com/showpost...&postcount=172
http://forum.hawaaworld.com/showpost...&postcount=175
http://forum.hawaaworld.com/showpost...&postcount=178
http://forum.hawaaworld.com/showpost...&postcount=186
http://forum.hawaaworld.com/showpost...&postcount=201
http://forum.hawaaworld.com/showpost...&postcount=203
http://forum.hawaaworld.com/showpost...&postcount=204
http://forum.hawaaworld.com/showpost...&postcount=211