بسم الله الرحمن الرحيم
من اهم اسباب زيادة الثقة بالنفس
الصدق
اي نعم كوني صادقه في كلامك لا تلفين ولا تدورين والاشياء الغير مرغوب في اظهارها للناس من قبلك قولي الله اعلم او اي كلمة توضح انك ما تبينها تطلع فعدرا لا تسالوني
ساعتها بالعامي راح تكونين على ارض صلبه وماراح تنهار ثقتك في نفسك
لان الكاذب "يخاف" ينكشف
والخوف عكس الثقة.
2
النظافه كوني نظيفه في اولادك وملابسك وبيتك و جددي من مظهرك وشوفي كيف ثقتك راح ترتفع
3
تعلمي اساليب الكلام
اطلعي على خبرات الناس في التعامل مع البشر تعلمي كيف يتكلمون كيف يتصرفون و خذي منهم الصح مع الزمن راح تستخلصين زبدة التعامل و تطلعين باشياء مفيده
واللي يعرف يتكلم صح في اي موقغ ثقته اكيد مليون بالمية راح تكون عاليه ويقدر يطلع نفسه من اي موقف باقل احراج
4 تعلمي مدح نفسك
حتى لو كنتي فقيره او غير متعلمه او ظروفك عاديه لا توضحينها للناس
اذا شافوا عليك فستان حلو وقالوا ذوق يا فلانه
لا تنحرجين وتقولي والله اخذته بالسعر الفلاني و توضحين انه رخيص
لا طبعا ابتسمي وقولي من ذوقك
و اذا شافوا الكنب و اعجبهم لا تقولي والله قديم من ايام زواجي طالما اعجبهم لا تكسرين هالنظرة اللي في عيونهم بالتقليل منه والله قديم والله رخيص
تذكري"الناس تاخذ انطباعها عنك من كلامك وتصرفاتك فلا تشوهينها بغير عمد"
تعودي على مدح ذاتك ولا تقللين منها .
5
لا تشكين همومك لكل الناس
راح تطيحين من عيونهم
ولو كنتي غلطانه بيقولون الله يعين اللي حولها عليها خليك مبتسمه امام الجميع حتى لو بيتك ينهار في النهايه ماراح يحلون لك مشكلة فليش كل الخلق تدري عن مشاكلك ؟!
6
ابتعدي عن الكلام الوقح و السيء
فيه كثير ناس اسوفها جالسه اقول وش هالسنع وش هالجمال وش هالثقه و بعد فتره اسمعها تنادي ولدها يا كلب يا حيوان
او تتكلم عن زوجها بكلام بذيئ مع ابتسامه صفراء لها الف مغزى
هنا هدمت كل اللي المظهر الخارجي الجذاب
و بلسانها .
فيه اسرار اكثر واكثر واكيد الموضوع يحتاج لكم نتعلم منكم
الله يوفقكك يارب ع هالموضوع ..