أسرع طريقة فطاير هشة وبدون ماتخمر وتصلح برمضان بعد خصوصا للموظفات اللي مثلي

هذي ياحلوين الله يسلمكم طريقة فطاير هشة ( طبعا العجينة مو بس فطاير تقدرين تسوين منها أنواع المعجنات )

- طبعا اذا عجنتيها على طول تفردينها وتحشينها الحشوة اللي تحبين وتخبزيها في الفرن مو زي باقي الطرق اللي لازم تخمرينها عشر دقايق , الي مو مصدقة تجرب والله أنا مجربتها وأعطيت الطريقة لزميلاتي ومعارفي وكلهم أثنوا عليها وأكثر شي أعجبهم فيها أنها ماتخمر (سرررررريعه) وتصلح بعد برمضان خصوصا للموظفات .

المقادير والطريقة : في الخلاط:( 3 ملاعق حليب بودرة + كأس ونص ماء (مايكون دافي مرة وسط) + فنجال شاهي زيت + 2 ملعقة كبيرة خميرة مو مليانة + رشة ملح + فنجال قهوة سكر مومليان + نص كأس دقيق كويتي ) تخلط ثم تصب في زبدية وتعجن بحوالي كأسين وثلاث أرباع الكاس دقيق كويتي تعجن جيدا لين تتماسك بس يصير فيها نوع من الطراوة مو قاسية . ثم تفرد وتحشى بأي حشوة ترغبين وتخبز في الفرن .

تقدرين تدبلين المقدار اذا حبيتي تسوين أكثر من صنف
وبالهناء والعافية ... جربوها والله لتدعون لي ... أبي ردودكم .أنا عضوة جديدة بالمنتدى .