شوفي أحس صعب إنه اللي إتعودت على شي في بيت أهلها ومستوى معيشه معين إنها تتنازل عنه أنا عن نفسي أحس صعب لازم يكون في تقارب يعني لو وحده عايشه في مستوى جيد وإتزوجت واحد راتبه 2000 ريال نقله فظيعه وإحتمال تنجح العلاقه وإحتمال لا
نفس الشي مثلا المستوى الجامعي على حسب تعليم البنت مثلا لو تدرس طب صعب إنها تتزوج واحد ماعند شهاده
وبعدين البنت ليش تتزوج إلا عشان تحس الإستقرار مع زوجها تحس برجولته مو يتزوجها عشان تساعدوا في المصروف أنا أرفض دي الفكره الوحده تحب تشوف زوجها يجيبلها كل شي تتمناه حتى لو كان بسيط بس المهم من تعبه ومن فلوسه مو كل واحد يصرف على نفسه

اول شي تسلمين على هالموضوع
ثاني شي انا اشوف ان البنات مايحطون شروط تعجيزيه بقد ماهي شروط منطقيه عشان تبدا حياتها من البدايه صح
انا ماابي زوج تاجر وامكانياته الماديه فوق الريح وملك جمال لكــــــــــــــن ابي تكون ماديته تقدر تعيشني عيشه مااكون محرومه فيها من شي وهذا من حقي
وش الفايده اذا وافقت على الي راتبه 2500 او 3000 واكيد ان بيروح نصه بعد ديون وقروض واخرتها اعيش محرومه من اشياء كثيره انا وعياله

مادري بس هذي وجهه نظري يمكن صح ويمكن خطا

بصراحة العائق مو من البنات وحدهم..!!

الرجال وأهاليهم يتحملون نصف العائق إذا ماكان ثلاث أرباعه..

يتشرطون جمال وأجسام وبياض ومادري ايش..
وبعض الأمهات تبي حريم عيالها ملكات جمال وتغافلوا عن دين البنت وأخلاقها..

سامحيني موضوعك فيه ظلم للبنات..

جزاك الله خير

إذا أتاكم من ترضون دينه وخلقه فزوجوه

لاتحطون المادة كل همكم ولا كلام الناس

ربي يوفقكم جميع للأزواج الصالحين