ياحبيبتي كل بنت حلمها الزواج والامومه
لكن من يوم اتدخلوا النساء في الخطبه وصار كل شي عن طريقهم
وصاروا يلعبوا بعقول اولادهم وتلف على البيوت تدور عاللي تناسبها هيا وعلى شروطها هيا واخر حاجه تفكر فيها الخلق والدين
من هنا ابتددينا بالمشاكل اللي حوالينا
ياحبيبتي اتنازلنا عن كثير شروط وهيا من حقنا ومن حق اي بنت
لكن تعرفي الرد ايش كان !
يقولوا مدام انها اتنازلت وقبلت بأي حاجه هذي اكيد معيوبه !
يقولوا هذي متلهفه على الزواج وقليله ادب مابيقولوا انها تبغى الستر والعفاف وتبغى تسير ام

ياحبيبتي الان الرجل يخطب والبنت تدعي يارب احوز على اعجاب اهلوا واعجابوا مو متل زمان اول اللي الرجل كان ينتظر شهور على اعصابوا حتى يوافقوا البنت واهلها عليه

مابقول غير لاحول ولاقوه الا بالله
ولاتركبوا الخطا على البنت مافي بنت ماتبغى الستر خصوصا في هذا الوقت المخيف
لكن مابقول غير حسبي الله ونعم الوكيل على كل من جعل بنات الناس لعبه وفرجه

اللهم اغننا بحلالك عن حرامك وبفضلك عن من سواك

اللهم ارزقنا بازواج يستحقوننا ونستحقهم
اللهم عوض صبرنا وحزننا وحرماننا بالخير العاجل غير الاجل
انك على كل شي قدير

حسبي الله لاإله إلا هو عليه توكلت وهو رب العرش العظيم
حسبي الله لاإله إلا هو عليه توكلت وهو رب العرش العظيم

بصـــــــــراحه كل اللي قالته الاخت مشاعل
صحيح100% صارت الشروط من اهل الرجل الحين...اعرف واحد يبي يتزوج وقالهم ماهمني شي غير انها تكون طويله!!!وشوفي اهله يبحثون عن الجمال والبياض والطول و...و...الخ>>
وصدق البنات ضحايا<<الله يعنهن ويسعدهن يارب
واعرف كمان واحده ابدا ماتشرطت ولا قالت ابي وابي مثل فلانه وعلانه كانت دوما على كلامها تدعو الله عزوجل بالزوج الصالح
راضيه باالرجل الصاااااااااااااااالح ويكون اخلاق ودين
وتدرين وش صار نصيبها ربي يسعدها ياااااااااااااارب
اخذت ارمل ومعاه عدد من الاطفال وهي عزباء
بس قدمت تضحيات من اجل الستر والزواج<<الله يسخره له ياكريم ويسعدها ويجعلو مايشوف غيرها
ابدا وجعلها ربي بعينه حوووووور من حور الجنان<<آمين

المشاكل الصراحه من تدخل الحريم في امور الزواج قبل كله في يد الريايل الحين لا

وفوق هذا الشرع قال انه المرءه ملزمه بزوجها وبس لكن الحين الريال يبي وحده تخدمه وتخدم امه واهله كلهم

والشرع اللزم الرجل على بيت مستقل للزوجه الحين شوفي كل واحد يسكن زوجته عند اهله شووفي المشاكل

الريال انا اشوف انهم يبون وحده تكون ملكه جمال ومن احسن عايله وتتنازل عن كل شي

بيت القصيد هل زمن مافي ريال يشتري الحرمه

الحرمه هي الي تشتريه وتصرف عليه وتساعده وتضحي حق شو كل هذا بس عشان اكون متزوجه يدام الناس؟؟؟؟؟ اتنازل عن كل شي بس عشان اييب عيال؟؟؟ انزين وعيالي بيكونون مرتاحين في هل وضع ؟؟؟؟ ويا ابو بالاسم بس

انا ضد تاخذين اي واحد بس عسب الزواج لازم نفكر الف مره

والله مو كل البنات البعض فقط

والبعض يبغى الستر

ترضى باي احد يجيها اهم شيء اخلاقه ودينه

وشوفت كتير اللي تتشرط واللي ما تتشرط

وبعدين ترى كل مين ياخد رزقة ونصيبه متى ما ربي اراد