جبتلكم الدرس الرابع بعد تطبيق اخت دنيا الذوق الي أقول فيه وبكل صدق افضل من الحلقة الالولى
وإذا كان هيك التطبيقات فهذا نتاج رائع وافكار جديدة خلاقة ... بطور المنتدى الحبيب لنا جميع
أذكر مرة اخت سمو الروح طلبت افرجيها شوي من شغل الخشب
وأنا مترددج لني حاس بضيع وقتكو لانو ما الكو في الماكنات
لكن جبت اليوم شغل لخشب زايد قطع برمو النجارين بعد شغل الأبواب
وأنا دايما بحاول استفيد من هاي القطع الي للاتلاف
وبحاول في هذا الموضوع افتحلكو طاقة صغييييييييييييييييييييييرة على الخشب وجزء من المنجرة البسيطة الي عندي
اذا حسيتو انكو بتستفيدو احكولي بغمق اكتر شوي
ولو ما استفدتو .. من عدم توفر الماكنات فاي نجار بتعرفوا ممكن يفيدكو بس احكولوا التطبيق\
نبدا
هذا الخشبات من خشب السويد للرمي .. والنجار الي بستفيد منها ممكن يخرطها ... ( ما الكو في الخراطة ) لكن برضو اشي جميل جدا
وهذه اخشاب برضوا زادت من قص للوح خشب ابيض وصفيتهم بزاوية منشار الزاوية . أكيد مر عليكو هذا المنشار.
وجبت فرد الكلبسات وهو فرد للمسامير على ماتور الهواء .. قوي جد بدخل جوا الحيط اذا بدكو
وثبتت الخشب مع المسامير بغراء
هلا هاي الماكنة اسمها ماكتة فورمايكا
أحكيلكو عنها شوي
هاي الماكنة الاصل تتثبت بالعكس وتنمسك من الايدين .. لكن انا ثبتتها هيك لانو كل شغلي خشب صغير مو الواح
شغلها الاساسي عمل ضربات ( بسموها هيك عنا ويمكن يسموها كسحات ويمكن يسموها فرزات ) المهم وفي شغلة مهمة الها التنظيف .. تنظيف زوايد الفورمايكا بعد تثبيتها بالغراء على الالواح
ما علينا
هاي الماكنة مشكلتها خطرة جدا من اخطر الماكنات وبالذات للي متل شغلي خشب صغير .. لذلك ادعولنا ربنا يسلمنا دايما
وانتو بتبعتو لنجار وهو بعمللكو الضربات تبعتها
تابعوا الصور عشان تعرفوا شو شغلها