الحمد لله الي يسر اني انزل اربع حلقات من السلسلة وهاي الخامسة قبل ما اسافر عمرة زي ما خططت
وان شاء الله بس ارجع نرجع نكمل سلسة الحلقات الى المائة حلقة كما وعدناكم
اليوم الحلقة بتخص مراكز التحفيظ والمدارس والمساجد زي ما وعدتكم
السبب انا مقبلين على العطلة الصيفية .. ولازم نثري هذا الجانب المهم
فحبيت نعمل افكار لجداريات كرتونية
وهاي افكارها كتييييييييييييييييييييييييييييييييييييييييييييييييييييييييييييييييييييييييييييييييييييييييير
بدون مبالغة عملت مئات اللوحات على هاي الافكار بفضل الله والسبب انها صلب عملي في المدرسة- الوسائل التعليمية - .. والحلو فيها شغلها سريع وما بدنا ماكنات ولا خامات صعبة ولا اشي
راس مالنا هون الاقلام والكراتين وعلب الرش ..
طيب نبدا
....................
هاي ادواتي
لا تخافوا منها بس هي عدتي المهمة جدا والي بتلزمني دايما بفردها لما بدي اشتغل شغل زي هيك وما بلزمكو كل هذا الحكي
بلزمكو بعض الاقلام والعلب
هاي عبيتها غراء ابيض وخففتوا عشان ارش الصمغ رش
ما اتغلب باللصق
واقلام
وثلاث فرود سيليكون شفاف واسود وشفاف صغير
وكراتين ملونة ومشارط ومقصات ولاصق uhu وغيرو لكن زي ما قلت مو كلو بيلزم بس هاي عدتي دايما بحطها احتياط
وهاي طبعات مختلفة بلاستيك وكرتون واستنسل وصاج وغيرو