اختي شاهي بالحليب
خبر غريب والله واول مره اسمع به
ههههههههههههه
وشلون يجيب المرض الله يكفينا شره وهو مو يوكل ولا يشرب
كل شي دلو يدخلون فيه هلمراض والله يحمينا وياكم من كل شر

الصناعي بدون جدال أفضل من الطبيعي ..
الطبيعي لما تجيه بقعة مويه أو زيت أو شاهي و ماتمسحينها على طول يتشرب و يبقى محلق فيه مهما سويتي الصناعي لا ما يشرب البقع ولا يحلق أبدا وتنظيفه والعناية فيه مرة سهلة .
الطبيعي لما تجيه بقع أو نقط من عصير ليمون أو حامض يتأثر على طول و ممكن تبيض المنطقة وكذلك الجرانيت ..
أما الصناعي فبالعكس ما يتأثر فيها أبدا ..
أنا أقول لك هالكلام لأني جربت الرخام الطبيعي لما كنت بشقتي و عارفة عيوبه فما ركبته ببيتي ..
أما ببيتي عندي الثلاثة جرانيت بالمطبخ الخارجي و سيراميك بالداخلي و رخام صناعي بالاوفيس العلوي و جربتهم كلهم و أفضلهم على الإطلاق الصناعي بدون جدال لكنه هو الأغلى ..
الجرانيت يابنات عيوبه نفس عيوب الرخام الطبيعي ..
السيراميك حلو و شيك وهو آخر شيء و يطلع روعة مع مطابخ الخشب لكن يبغى له استخدام حشمة يعني مو حق كرف لأن الترويبة اللي بين البلاط تبقع مع المويه و يتغير لونها الا في حال استخدمتي ألوان غامقة يمكن يكون الحال أفضل أنا اللي عندي بيج و مع الحرص و المداراة و برضه أحس انه تغيرت شوي مع أنه مطبخ تحضيري للقهوة والشاي و تجهيزات بسيطة ..
لكن نصيحتي لك الصناعي و بس ترى أنا ندمت أني ما ركبت المطابخ الثلاثة صناعي ..
الشيء اللي ممكن أقول لك عنه إذا انتي بتركبينه بمطبخ البيت الرسمي يعني زيوت و حوسة حوض الغسيل لا تحطينه من الرخام حطيه حوض عادي بليفة نحاس وصابونة الوزير يرجع لك جديد و مافيه انظف منه ؛ حوض الغسيل الصناعي شفته عند قريبة لي مركبته بمطبخها بصراحة كان متغير لونه مسود شوي يمكن لأن منطقة الحوض باستمرار فيها المويه وتشرب ويمكن من الزيوت ما أدري بالضبط لكن بصراحة لما شفته ما أعجبني مشوه المطبخ ..
عشان كذا أحواض الغسيل الاستانل ستيل مافيه مثلها للكرف ..
خلاصة الكلام الصناعي أفضل كيميائية ..
و ربنا ييسر أمرك ؛

مني علي أفضل الجرانيت الأسود

فخامة و نظامة و لمعان

و يمشي مع الستايل المودرن و الكلاسيك

:)

اختي السوري
اسمحيلي اقولك ان الستانلس استيل مرمره شين وشكله كنه حق عزبه وخصوصا مع الاستعمال يشهب
شفته في كذا بيت يتجمع فيه الرواسب ويصير ابيض مع الصابون
انا معك ان الرخام الصناعي زين وحلو شكله بس انا شفته عند قريبتي احترقق بيتهم الله يكفيكم الشر ولما جت تنضفه من السنو تعبها مره مسكينه وجابو عمال له وطلع فيه مخوش شوي يعني مهو مثل لمعته اول والمجلا مسكينه معد هو زي حلاته اول تقول عين وصابتهم مع اول كان مطبخها تحفه وكلن منهبل عليه من المطابخ الفخمه الزينه لخشب
وانا مطبخي مثلها مضبط بس انا حاطه الجرانيت نفس لونهم بيجي سكري وفيه نقط بنيه وكلن مافرق بينهم بس هي مافيه نقط هي ساد سكري ساده والجرانيت مو مثل الرخام الطبيعي عيوبه مره غير مايبقع دايم ناكل على الكونتر وينقطون بالشطه والصلصه والببسي وهلشياء والشاهي وامسحه ويرجع يلمع اما الطبيعي عند اهلي صح عليك لما تجي فيه بقع شطه ماتروح واذا مسحوه بالكلوركس يبيض شويسود مع الاستعمال والرخام الطبيعي يجي مقطع ويبين المعجون بينهم
اما الجرانيت مايبين لمايركبونه يكون قطعه وحده
وترا سعره اغلا من الرخام الطبيعي سعره تقريبا نفس سعر الرخام الصناعي انا الي عندي جرانيت امريكي ترا الجرانيت انواع بعد مدري وش تقصدين اي نوع

اختي محبة دينها سوي بحث في هذا المنتدى وتلقين الموضوع الى يتكلم عن هذا الشى

كاتبته احد الاعضوات

الله يكفينا الشر انا مركبة قرانيت في البيت كله