أسفرها والا ما أسفرها ؟؟؟ والله تعبت

السلام عليكم

ما ادري اذا كان هذا المكان المناسب لمشكلتي او لا ؟ او هل هي اساسا مشكله اجتماعيه او لا ؟ بس قلت اكتبها من حيرتي

انا قدر الله علي وجبت شغاله فلبينيه من 3 سنوات وهي نشيطه وتفهم وتنفذ الاوامر وتعلمت جميع الطبخات ، بس لاحظت عليها في السنه الاخيره انها تغيرت وصارت عصبيه جدا و لسانها طويل والاهم من هذا كله صارت تهاوش عيالي ولا عندها واذا طلبوا منها شي ترفض تسويه لهم وتقول لهم انتم سووه مالكم يدين ؟؟ وقايله لبنتي الصغيره انها بتقطع يدين بنتي الثانيه لأنها ما تحتاجهم لأنها هي ( الشغاله ) تسوي لها كل شي .. بزعمها بتخوفهم وتخليهم ما يطلبون منها شي ونفسها شينه مرررره عليهم .. مع العلم ان بناتي هاديات وخوافات

وهالايام صاير ما يمر يوم بدون ما تهاوش بناتي وترد عليهم بطريقه بزارين كأن عمرها 6 سنوات ... وانا ما احب احتك فيها او اتخانق معها لأني اخاف تسوي شي لبناتي في غيابي

والحين محتاااااااااااره اصبر عليها او أسفرها ؟
اخاف اسفرها وتجيني وحده عله واتحسف .. وبرضو هذي ما اقدر اتحملها

انتم ايش رأيكم ؟