أسلوبكم في الرد

عني شخصيا وبحكم التعامل مع الزميلات

لو وحدة قالت لي شنطتك حلوة أو أي شغلهه أقول ( عيونك الحلوة)

لو نادتني أي من الزميلات أقول ( سمي) والرد ( سم الله عدوك)

لو قالت ( ممكن خدمة أو طلب) أقول ( تأمرين أمر )

لو كانت وحدة تتكلم وإضطريت أقاطعها مثلا دق موبايلي أو شي أقول لها ( معليش يافلانة ولا أقاطعك ....) وإذا خلصت وبغيتها تكمل كلامها أقول لها ( إسلمي )

ولو تذكرت شي برجع أقول

امممممممممم
ما أذكر حسب الموقف ,,,,,
وإذا تبي تتعلمين شوفي البنات اللي معاكي وكيف ردهم
وتعلمي منهم ؛؛ يعني دروس على الهواء
وإنت على طول طبقيها علشان تتمرسين على الردود الجميلة
و خلي لسانك على طول حلو ولا تقولين إلا كلمات حلوة ولطيفة
صدقيني راح تتمرسين وتطلع منك كلمات أحلى وأحلى
موفقة أختي .


بصراحة أعجبني اسمك .... ما أدري يمكن لأني أحب هذا المسلسل
الله يرحم رفيف بدونها المسلسل ما يسوى شيء