السلام عليكم ورحمة الله وبركاته
كيف حالكم يابنات؟
طيب انا عندي لك اسهل باستا ومافيها اي مجهود ولا تاخذ وقت ولا شي
وكمان راح يحبونها عيالك
بخبركم طريقتي اول مابلشت في الباستا حطيت اشياء كثيرة
وفيها خضره كثيره وانا تعبت وانا اسويها وخليتها بالفرن وغيره
لما جلسو اخواني الصغار ياكلونها الله لايوريكم كيف يخلون الخضره على جنب
وجزء كبير من الصلصه معها ويجلسون ينقون:icon36:
وانا اقول تعبي ضاع
والمكان كله طحين وحليب وريحة مدري كيف المطبخ صار حوسه
طيب الأن جبت لكم طريقة الباستا مع صور مستعارة ليش اني عندي خلل بالتصوير
المره الجايه اصور لكم صور زينة
اول شيء المقادير:
فلفل اخضر بارد وكوسى على حسب الرغبه
معجون طماطم او عصير طماطم
ماجي
بهارات مشكله قليلة + ملح
كريمة خفق
جبن مبشور
مويه
مكرونه اي نوع عندك
ملاحظة : الكميات على حسب رغبتك في الوصفه
بس انا سويتها على مكرونه اسباقيتي الضعيفة
الطريقة
قطعي الفلفل البارد وشوحيه (اقليه)
لغاية مايذبل
وبالتالي ضيفي عليه معجون الطماطم او عصير الطماطم بشرط ان يكون غليض بس الافضل صلصة الطماطم
يعطي طعم احلى بكثير
وشوحيه قليل مع الفلفل بالزيت لغاية ما اللون يصير اغمق شوي
وضيفي بعدها عليه كريمة الخفق
وتضيفي كمان الجبنه المبشورة على الكريمة
وكل ماتجف ضيفي موية
وتحطين الماجي وقليل من البهارات ورشة ملح
وتحركين شوي وتغطين وترجعين تحركين المزيج
لغاية ما تصير كلها صلصة حمرا وغليضه
اذا حابه تضيفين دجاج او جبن سائل ممكن
وألف صحة على قلوبكم
في امان الله
:33: