أسهل جدول عنايه للقضاء على السواد والجفاف في البرد

بنات أتمنى نتفاعل ونقضي على السواد والجفاف خصوصا في هالبرد :08:
وانا وحده مااحب الخلطات المتعبه واللي توصخ :44: فقمت اجمع الأشياء السهله وبكتبها لكم ونسوي جدول يومي بسيط
وقبل كل شي ترى الوصفات كلها مو حقتي مجمعتها من المنتدى لبنات كاتبينها الله يعطيهم الف عافيه..:27:
أبدااااااا
الأشياء اليوميه الي قبل النوم::::::
اولاً:
للرموش::
تاخذين نوى التمر وتغسلينه زين وتنقعينه نص ساعه بعدين تحمسينه على النار الين يصير اسود وتطحنينه وتحطينه بعلبة مسكارا مغسوله وجافه وتظيفين له زيت الخروع وتحطينه كل يوم قبل النوم
فوائده:
يكثر الرموش ويطولها ويخلي العيون مكحله..
ثانياً:
للجسم::
1م جلوسليد+1م فازلين+1م نشا+1م زيت زيتون+1م فكس+1م ماء ورد+1م زيت لوز+ام زيت جنين القمح+1م زيت الجلسرين+6ليمونات ابو زهير
وتقدرين تظعفين الكميه اذا شفتيها قليله وتنحط كل يوم قبل النوم أول شي أبدوا بالأماكن الغامقه الين تتفتح وتصير نفس لون الجسم بعدين حطيها على الجسم كله عشان يصير الجسم لون واحد بعدين أذا صحيتي الصباح تغسلين جسمك ويفضل بصابونة البابايا وتفركينه بلطف بعدين تكونين حاطه في علبة رشاش
قارورة ماء ورد+علبة نشا وتبخينها على جسمك كله وتوزعينه بيديك وتستنين ألين ينشف وتحطين خليط زيوت مفتتتتح ومرطب ومنعم وهي عباره عن:
زيت لوز مر+زيت زيتون+زيت جنين القمح+ زيت الجلسرين+زيت بذرة الكتان+بودرة أطفال
بكميات متساويه ودلكيها كويس لين تحسين البشره تشربتها
بعدها أطلعي ونشفي جسمك والبسي ملابسك بس مهم التنشيف بطريقة الظغط عشان مايمسح الزيت من الجسم..
ثالثاً:
للوجه::
الدوكين فورت 4%+ريتن جل+كريم دايبرسون للتهيج
بنات اللي تبي تغيرها شي راجعلها بس هذي هي اللي انا بحطهاومانتركها فجئه يفضل بالتدريج عشان مايرجع اللون زي اول..
الحين بكتب وصفات تسوونها مرتين في الأسبوع::
اولاً::
بعدالشاور بماء دافي وأنتي في التواليت تاخذين فوطه بيضاء وتبللينها بمويه دافيه وتحطين عليها شوي بكربونات الصوديوم حقت الأكل تلقونها في جيان أو بنده المهم السوبر ماركت وتفركين فيها الأماكن الغامقه وبتشوفين لون غامق على الفوطه بعدين تغسلين جسمك بمويه ..
ثانياً::
تسوين مرتين في الأسبوع سنفره للجسم
والطريقه تغسلين جسمك بمويه دافيه اللين تحسين أن المسام تفتحت وبعدين تحطين السنفره وهي عباره عن:
2كاس سكر+ نص كاس زيت زيتون+بيالة طحينه سايله+ كاس حليب طازج المراعي أو الصافي وتدلكين فيها الجسم لمدة ربع ساعه وبعدين تغسلينه وتكملين الشاور..
بنات والله تعبت وأنا اجمع وأكتب فبليز خلونا نتعاون مع بعض وننتظم على هالجدول ونبي كل وحده تشجع الثانيه عشان نستمر وأدري بيجي علينا يوم ولا يومين تعبانين ومالنا خلق بس نعديها وبعدها نظغط على أنفسنا كل شي يهون عشان الجمال..
ترا اللي نشوفهم في التلفزيون ماطلعوا كذا من الباب للطاقه بيض وصافين والله أنهم يحوسون أكثر مننا
يله اللي ماعندها الأغراض تجيبها ونبدا من يوم الأحد ونكون على اتصال ونخبر بعض بالنتايج..
تصبحون على خير..:27:
:icon35: