أسهل حلا فالعالم والطعم جنان...KaKO AReO

اليوم جبت لكم طريقة حلا اسهل منه مافي ممكن تشاركين الاطفال معاج لما تحضرينه .... اذكر اني كنت اسويه من يوم عمري 9 سنين !

المقادير بسيطه و ما تكلف ....

1. كيس كاكاو آرو
2. 3 علب قشطه
3. علبتين سويس رول امريكانا بالشوكولاته

231830


الطريقه :

1. نصف السويسرول في قاع صينية أو ممكن تعملون مثل ما أنا عملت ... جبت أكواب صغيره من الرونق ( يشبه محلات بو ريالين و رامز )
و قطعت السويسرول مكعبات و حطيت تقريبا ملعقة في قاع كل كوب .

2. تسيحين الكاكاو أرو في حمام مائي و تضيفين القشطه و تخلطين لحد ما تتجانس القشطه مع الكاكاو
طبعا احب انوه ان كمية الكاكاو و القشطه تعتمد على ذوقك يعني اذا تحبين الكاكاو يكون طاغي قللي القشطه
او زيدي الكاكاو ممكن تضيفين ملعقة نسكويك بدل ما تزيدين الكاكاو

اللحين صبي المزيج على الكيك وزيني بالفارمسيل أو الفليك المبشور .

وهذي الصوره النهائية

231831

ما نسألكم الا صالح الدعاء