أسهل طريقة لتثبيت الحفظ عن تجربة سنوااااات

السلام عليكم ورحمة الله ًو بركاته ..

طريقتي بتثبيت الحفظ سهله جداً و ممتازة للتطبيق اثناء الحفظ و بعد الحفظ ،
سبق نزلت موضوع عنها والحمدلله اخذ شعار التميز بفضل الله لكن رجعت مره ثانيه أكرره لسهولته و أهميته، ويشهد الله ابي لكم الخير و أتمنى الكل يحفظ القران


بإختصار شديد :

( ورد يومي للمراجعة )
يعني يومياً راجعي ورد معين من السور اللي انتي حافظتها ، و الورد كميته تكون على حسب كمية حفظك و وقتك و امكانيتك امممم بإعتقادي يبدأ من خمس أوجه (ربع جزء) الى جزء وممكن يكون اكثر من كذا للي حفظه تمام



مثلا ، انتي حافظه ٥ اجزاء من سورة البقرة الى النساء و الان تحفظين من الجزء السادس .. فيلزمك التالي :
١/ يومياً تراجعين ٥ أوجه (مثلاً ، وممكن اكثر) بدأً من سورة البقرة لحد ماتوصلي للجزئيه اللي تحفظي منه ، ثم ترجعين تبدأين من جديد وهكذا و طبعاً مع الوقت و مرة عن مره راح يثبت حفظك أكثرر و الأحلى من كذا ماراح تشيلي هم ان حفظك السابق يتفلت منك لأنك تراجعين منه يومياً ، و هالشي يعطيك دافع للاستمرار بالحفظ و عدم التوقف .
٢/ عندك حفظك اليومي من الجزء السادس سواء حفظين يومياً وجه أو وجهين الخ
٣/ طبعا لازم اثناء الحفظ تراجعين الصفحة او الصفحتين اللي قبل جزئية حفظك عشان تربطين بين الآيات و بين المحفوظ سابقا و الحفظ الحالي وهذا سهل ما يأخذ منك وقت

ملاحضه : نقطه رقم ١ هذي يوميا ماتتركينها ابداً و اعتبريه وردك اليومي من القران اللي المفروض مانهجره ..
اما نقطه ٢ و٣ فهي على حسب ظروفك و جدولك بالحفظ كل شخص وقدرته ، ناس تحفظ بسنه فقط و ناس تستمر سنوات تحفظ ، و المجتهد مأجور بإذن الله



ملاحضه ثانيه : بنات حطوا بأعتباركم انه مراجعة سورة قريب حفظك له اكيد بيكون اصعب من سوره حافظتها من زمان مهما كانت سهوله او صعوبة السورة ، يعني مراجعتك للقران السنه هذي غير عن السنه الجايه و اللي بعده بإذن الله لانه كل سنه يثبت اكثر ويسهل اكثر مع المراجعة ، كلنا يتعرض لفترات خمول يمكن تكون شهر او شهرين أو اكثر لكن الدعاء لاااااا تتكاسلي عنه مهما كان لان الله هو وحده المعين قبل كل شي





في اسهل من كذا !