ازيكم؟
بعد النيش و التلاجة قلت اجيب بوتاجازي و اجي هههههههههههههههههههههه
المرة دي كانت اسهل مرة انضف فيها البوتاجاز
و الفضل فيها بعد ربنا يرجع لبنوتة في منتدي تاني بس للاسف مش فاكرة اسمها بس و الله طول ما انا بانضف بادعيلها
طبعا بتقولوا لي بطلي رغي و خشي في المفيد :happy:
هأحكليلكم الحكاية
اللي هي شبكة البوتاجاز اللي بتتحط فوقه
كانت فيه بنوتة كاتبة انها سخنتهم في الفرن و اتنضفوا بسهولة جدا
قلت اجرب مش هأخسر حاجة
وكانوا ايه بقي بعيد عنكم هههههههههههههههههههههههههههههه
المهم اني من المفاجأة ما افتكرتش اصورهم :29:
بس بجد روووووووووووووووووووووووعة و بسهوووووووووووولة نضفوا و بقوا فلة
الموضوع شعشع في دماغي قلت طيب اجرب مع الرف الصاج بتاع الفرن و كان مزيت و مهبب لاني كنت حاطاه برة و اتكب عليه زيت من البوتاجاز
ما علينا النهاية انه كان مهبب و هتشوفوا الصور بنفسكم
حطيته وولعت الفرن و طلعت و ما صدقتش بس هنا بقي كنت فوقت و الحمد لله فصورته:happy:
هنا قبل
وهنا و انا بانضفه
وهنا بعد
:happy:
شايفين النضافة؟ و بأقل مجهود
دلوقتي جه الدور علي باب الفرن
شوفوا يا فتوكات بقي
الزجاج بتاع باب الفرن طبقتين و ساعات بنلاقي فيه اثار مش عارفين نشيلها انا بافك الطبقتين
تعالي شوفي كده
وبعدين باجيب السكينة و اطلع اللوح
لا تردووووووووووو
وهنا بعد ما ركبته تاني
بقي بربررررررررررررررررررررررق:pinklove:
:biggthump
انا بقي قبل كده كنت فكيت العيون و نقعتها في مية و بريل و كربوناتو و غسلتهم و بقوا فلة
و شيلت الفويل و نضفت البوتاجاز وه سخن و كان زي السحر
وبعد كده فرشت فويل جديد
انا بحب الفويل اللي بييجي حتة واحدة و سميك حلو اوي مش بيسرب حاجة تحته و بينفع يتنضف من غير ما يتقطع عشان سميك
اسمه ديميتا بييجي اللفة فيها 3 غيارات للبوتاجازت ال 5 عيون و فيه كمان مقاس اللي 4 عيون و مش غالي اعتقد من 6 - 7 جنيه و بيقعد كتير جداااااااااااااااا لانك بتنضفيه اول باول
ماحدش يقولي عيون البوتاجاز مش بتلمع او شكلها وحش و مطفية
يا دي الفضايح
شوفوا بقي اصل انا كنت فاكرة نفسي فتكة :29: حبيت في يوم انضف اوي العيون
عملت ايه بقي؟؟؟؟؟
اللي هتضحك هي حرة
نقعت العيون في مية و فلاش
:sad:
و طبعا الفلاش بقي يفور لانه بيتفاعل مع المعدن و عينكم ما تشوف الا النور طلعت العيون متاكلة و خشنة و مهببة
وطبعا مفيش حل
هابقي اغيرهم ان شاء الله
و ده شكل البوتاجاز في الاخر
وكل سنة و انتم طيبيبن و ربنا يبلغنا رمضان