كل عام وأنتم بالف خير
وعيدكم مبارك
بهالمناسبه السعيده قررت في اللحظات الاخيره أسوي توزيعات للاطفال عشان عشى الليله اهداء من عيالي للاطفال،،
والحمد لله كان عندي أكواب للخروف شون شاريتهم من فتره كل اللي سويته جبت تشكيله من الحلويات وعبيت الكوب وزينته ع السريع ،،، طبعا هالشغل السريع اخذ مني تقريبا ساعه ونص وانا دااايخه نووووم وورانا قومة الصبااح
شغلي هذا الساعه 2 ونص منتصف الليل ..
هذي الاكواب والحلويات
وهذي البطاقات صممتها بالفوتوشوب وفيها الاهداء من عيالي الله يحفظهم
وهنا بديت أغلف الاكواب بورق السولوفان مع شريطه بسيطه
طبعا فكرت اني اخرم البطاقات واربطها بشريطه رفيعه والفها من داخل الفيونكه الكبيره بس لما عيني طاحت ع الساعه
قلت مابدهااااش يا بنت الحقي ع الوقت ولصقي البطاقات ع السريع
وهذا شكلها النهااائي حطيتها بصينيه جلد عشان تقدر بنتي تشيلها وتوزعهاا
اتمنى تعجبكم وتدعون لي بالصحه والعافيه
شغل إبداع
الله يبارك لك في وقتك وعلمك وأولادك
ويعطيك الصحه والعافية...