أسهل وألذ شوارما.. والكل راح يطلب منك تسوينها مرة ثانية

بصراحة سويت شوارما والكل جن عليها طبعا سويتها كمية كبيرة عشان كانت عندنا عزيمة على الفطور.. وتقدرين تقللين الكمية

المقادير
1 كيلو صدور دجاج ( مقطعة شرائح ومسلوقه مع كركم وملح )
2 علبه زبادي
2 بيالة زيت زيتون
2 ملعقة كبيرة سماق ( تقدرين تكثرين شويه )
شرائح بصل ( انا كثرت شويه وطلع لذيذ )
3 فصوص ثوم مهروسه
2 مكعبات ماجي

الطريقة
- تحمرين البصل، وتحطين شرائح الدجاج المسلوقة مسبقا عليها مع مكعبات الماجي
- تجيبين بايركس وتحطين الدجاج فيه
- وتخلطين الزبادي مع الزيت زيتون والسماق في إناء آخر
- وبالأخير تحطين الخليط مع الدجاج.. وتخلطينه زين
- دخليه الفرن لحد ما ينشف شوي الزبادي.. ( مو لازم ينشف بالكامل )
- تحشينه بالخبز مع مخلل الخيار او مكعبات طماطم

وبالعافية