من كم يوم شفت في مطعم إيراني نقانق مقليه .. عجبني شكلها .. قتل يابنت ورا ماتقومين للمطبخ وتحوسين ..
هذا شكل النقانق في المطعم ..
طبعا ماحب زفرة النقانق فشوفوا وش سويت
جبت نقانق مجمده وحطيتها في قدر فيه مويه وملح وسلقتها تقريباً ربع ساعه
ثم تركتها لحد مابردت وقطعتها شرائح دائريه
حمست مقلاة البيض الكبيره وحطيت فيها نص بيالة زيت ولما حمي الزيت حطيت شرائح النقانق وظليت أقلب لحد ماتحمرت جوانيها .. انتبهي ترا تلزق لو تركيتها بدون تحريك
بعدين هاتي بصل مقطع جوانح وحطيه عليها ( بصلتين متوسطات ) وقلبي لحد ماالبصل يذبل ويبدا ياخذ لون
ثم شرائح فلفل بارد أحمر ( مايتعب المعده ) وقلبتين وطفيه .. ولحبيتي ترشي فلفل أسود بكيفك ..
وقدميها مع الخبز والجبن .. وأحلا عشا أو فطور ..
أنا مامداني أصورها زين .. المره الجايه إن شاء الله ..
هذي آخر صوره للمرحومه هع
رحم الله الجميع :26::26:
وانا امووت في النقانق
علي قولة ابو الشباب تحبين لى يرفع ضغطك ههههههههه