فقلت يابنت عيب تاخذين ولا تعطين
فتشت وفتشت بمهاراتي المطبخية ، ولقيت هالطبخة اللي أنا طايحة فيها من كم يوم
أدخل في الطبخة تصلح هالطبخة في اليوم اللي تحسين فيه بالكسل أو مايكون وقتك راهي
أولا نجيب دجاجة ويفضل طازجة ونتبلها بالملح والبهارات والكركم والثوم ونتركها تقريبا ثلث ساعة
ونجيب صينية تيفال ونحط شوي زيت وحلقات بصل وأي نوع خضار عندك ( أنا كان عندي كوسة وجزر وبطاطس وزهرة ) ونرش على الخضار ملح وبهارات
وبعدين نحط الدجاجة على الخضار ونقصدرها زين ونحطها على نار هادية جدا ( فوق مو داخل الفرن )
وبعد نصف ساعة أو أقل أو أكثر
نفتح القصديرة ونقدمها مع الخبز والسلطة
صراحة طعم الدجاجة راااااائع ( تمدح روحها)
وبألف ألف هنا وعافية
