أسوأ شي بالدنيا ..

أسوأ شي بالدنيا انك تكوني في هالحياة تكملة عدد هيك هايمة علو وجهك في الدنيا مالك لا شغلة ولاعملة ولا هدف

أنا الي متزوجة 4 سنوات ونصف وعايشة لحالي تقريبا زوجي شغله بمنطقة بعيدة بداوم اسبوع وبروح اسبوع وماعندي اطفال بضل طول الوقت زهقانة نفسي الاقي شي شغلة تملي يومي نفسي أتعب وانعس والله يا اخواتي بنام من الملل وازا صحيت ولسا الدنيا بكير بنوم حالي غصب عليي

بحكي شوبدي أقوم اعمل ..وانتن عارفات طول النهار بالصيف كل يوم ببكي بحر دموع ماحدا حاسس فيي

ماحدا بشعر بعاناتي ليه كل هم وغم على المراة زوجي بضل مشغول مابشعر بالفراغ والملل

انا مو كل هدفي اني احمل ويصير عندي اطفال انا كل همي اني أنشغل همي ما الاقي وقت اقعد فيه

حاسة اني كمالة عدد

كيف لما تروحي عالسوق ويكون في عرض هونيك انو اشتري 5 اغراض والسادس مجانا

احنا بنحكي والسادس عالبيعة أنا عايشة هيك عالبيعة زيادة عدد مافي هدف كل يوم متل الي قبلو كل يوم اسوأ من الي قبلو والله ياأخواتي بحكي ليه انا عايشة لوني متت أحسن .:>أستغفر الله

بس بجد انا عايشة بعذاب كبير الله يختارلي الاحسن ..مع العلم انا بحفظ قران ومحفظة بمركز كمان وبدرس بجامعة مفتوحة بسسس اغلب وقتي طاير بالهوا ......