أسواق دبي يا بنات دبي؟

حياك الله أختي في بلادك وسط أهلك و أحبابك

إذا دايما جوعانة لابد ندليك على مطعم حلو عشان تسدي جوعك و بعديك تشتري :)
أمزح معاك


أختي بالنسبة للأسواق الرخيصة عندنا أرخص سوق هو (سوق نايف) و فيه كل اللي تبينه و برخص الثمن و تقدرين تكاسرينهم لين تكسرين راسهم :D
في جنبه السوق الكويتي و سوق المنال و سوق الوصل و عندهم أشياء كثيرة و في متناول الجميع مو غالية

* عندك سوق مرشد ممكن تحصلين فيه محلات القطع الزينة و بأسعار أقل من المحلات اللي في المراكز التجارية

* الآن فاتحين عندنا في منطقة العوير سوق صيني اسمه (السوق الصيني ) فيه كل شي يخطر على بالك و بأسعااار خيالية جدا

*اذا تبين عبايات سيري مركز أبوهيل في أكثر من 30 محل للعبايات و في محل اسمه ماهر ممكن تحصلين عنده ملابس زينه للطلعات و المناسبات

اذا تبغين جلابيات حلوة و أسعارها زينة روحي سوق عكاظ هو قريب من سوق نايف مو بعيد وايد
×××××××××××××××××××××××

سامحيني طولت عليك و إن شاء الله أكون أفدتكم

و أقول لك مرة ثانية حياك الله

شكراً لكم بنات

وأنا عارفة ان دبي ديرتنا وأهلها أهلنا

الله يحفظكم ويحفظ لكم ديرتكم

اختي شوفي موضوعي اللي في توقيعي يمكن تحصلين اللي تبينه ....وحياج الله في دبي

جزاك الله كل خير

طيب وين مركز منال لأني دورت له قبل كذا مالقيته