أسواق لـنـــــــــــدن

وعليكم السلام .. هلا ام مسك .. :)

لندن أهم وأرقى دولة سياحية .. وفيها افخم الأسواق والمحلات >> تموووت بلندن :23:

شوفي .. بتلفين وتروحين وترجعين للاكسفوردستريت .. لانه اكيد بيكون اقرب سوق لسكنكم :)
وعلى امتداده تلقين كل المحلات وأكبرها... يعني فوق 300 محل.!!
مثل جون لويس ... وسليفردج ... وغيرهم

واما الماركات الفخمة (شانيل/ارماني/برادا/دولتشي غابانا وغيرهم)
تحصلينهم ببوند ستريت ... ولاتستغريبن لو شفتي بريتني سبيرز والا فيكتوريا بيكام وانتي تمشين فيه :13:

اذا تبين مجمعات .. فصعب تلاقين بوسط لندن مجمع لان اغلب الاسواق مفتوحة
باستثناء مجمع الوايت ليز ... بس انه مره صغير ومحلاته محدودة

في مجمعات تبعد عن لندن مسافة ساعه الى ساعتين بالسيارة
يعني يبي لك تروحين لها من الصبح وتجلسين فيها لحد ماتغيب الشمس
في واحد مرررره حلو اسمه البلووتر... وفي ثاني اكبر وابعد بس ما اذكر اسمه :(

ممممم .. عندك بعد البيكاديلي سيركي .. تلقين فيه ملابس رياضية وملابس اطفال واشياء حلوة وغريبة

فيه بعد السوق اللي بمنطقة كوفنت قاردن ... روووعه
تلاقين محلات منوعه... ساعات/تحف/ملابس رياضية/عطورات وكريمات
واشياء كثيرة.. متميزة .. وباسعار معقولة
هذا غير ان التمشية فيه توسع الصدر .. وبكل شارع تلاقين استعراض شكل .. :42:

عندك هارودز ... والشارع اللي قباله ... كلها محلات راقيه .. صحيح غاليه .. بس تستاهل

في بعد محلات ارجوز اللي تطلبين بالكاتلوجات ... احبها مرررره .. مريحه وعمليه
وعلى فكرة ... تقدرين تشترين الشي وترجعين متى ما بغيتي
انا مثلا اخذت من عندهم مسجل وجلس معي شهر ... قبل ما اسافر بيومين رجعته لهم :01:

اذا تبين تشرين العاب للاطفال ... روحي هاميلييز ... ماأذكر هو من خمس او ست طوابق
بس عن جد روعه .. تلقينه بهوندد ستريت



تروحين وترجعين بالسلامة حبيبتي
واذا تبين شي ثاني .. اسألي وحنا بالخدمة
انا مسافرة بنص اوغست ان شاء الله
ياليت توافينا باخبار الرحلة والمحلات الجديدة اللي فتحت




موفقه :27:

نسييييييت اقول لك

اذا تبين محلات شعبية او مكان تشرين منه هدايا باسعار رمزيه
روحي الشبر بوش
او البرتبيلو
اسالي عن سوق السبت ويعلمونك وينه

تلاقين : الشنط / الملابس / الجزم / الساعات الخ
والاسعار تتراوح من 5 باوند الى 20 باوند بالكثير


:26:

تسلمين ياعمري تسلمين

وفيتي وكفيتي والله يعطيك العافية

شكلك حافظة لندن شبر شبر ماشاء الله عليك

وانت بعد تروحي وترجعي بالسلامة

والف شكر مرة اخرى..