الله يشفي بنتج انشاء الله .... استخيري رب العالمين ووديها عند افضل دكتور انا وايد اسمع عن عمليات الاعصاب والحمدالله تنجح ...

استخيري اختي اولا ثم انصحك نصيحة أم مجربه ان تجري العملية بس أعرضيها على اكثر من دكتور وخذي رأي الاغلبية منهم لأن لو كبرت بنتك ممكن تلومك انك أهملتي علاجها أنا سويت عملية لبنتي وهي عمرها سنه( خلع الورك ) وعرضتها لاكثر من طبيب بما فيهم الالماني في جده لكن حسيتهم ملهوفين على الفلوس والله كان بيسويلها في رجولها الثنتين ويقول لاتشيلون هم الفلوس ماراح تكلفكم الاخمسين ألف (حسبي الله عليهم كأن همنا الفلوس ) صدقيني مريت بتجربه مريره الشهرين الماضيين والحين ننتضر النتيجة فأرجوا منك ومن جميع الاخوات الدعاء لبنتي ..
تصدقي..كل مابنزل الموضوع للاستفادة ماأقدر اكتب ودموعي تغلبني لكن عشان بنتك الله يخليها لك ويشفيها ويفرحك بها ويفرحني بوقفة بنتي ومشيها قدامي بأحسن حال يارب.

اسفة على التاخير لكن كان عندي مشكلة في الاتصال ومازالت .والان أن أكتب من كمبيوتر آخوي وعلى العموم أشكر كل اللي ردوا علي .
ماتهاب :آمين وهذا من أمانتك لأن المستشار مؤتمن
غلاية 10 :آمين ولا يوريك شر في احد يعز عليك
عبير الزهورك ويبارك فيك ويشفي كل مريض
حلا: الله يحلي ايامك ولا يوريك مكروه
همس القلوب :امين ويطمن قلبك حبيبتي
الأمورة:أديتيني أمل كبير الله يجزاك كل خير
هوى الغالي:هم سووا عملية لبنتك في رجل واحدة ولا الثنتين ؟ماوضحت بالضبط ايش هي تجربتك المريرة الله يصبرك . أنا أعرف واحدة سوتها لبنتها وعمرها 4 شهور والحمد لله نجحت وهي تمشي الآن طبيعي الحمدلله.الله يطمنك على بنتك ويعوضك عن كل دمعة نزلت ويجعلها تمشي طبيعي يارب ويجعلك تشوفينها عروسة وفي انتظار مزيد من الردود يمكن واحدة تعرف أحد مر بتجربة مشابهة تفيدنا والله يجزاكم كل خير:26: :26:

سوا العملية في رجل وحده ووديتها لكذا طبيب اسئله عن الرجل الثانيه قالوا والله مافيها شي ان شاء الله, اللي قلكم فيها شي يبغى يتكسب من وراكم..
والتجربة الله لايوريك شر ان شاء الله اني شلتها من بين العابها هي واختها ووديتها لاجراء العملية وبعد ست ساعات خرجت وشكلها من البنج تعبانه واتنادي اختها وطبعا لما خرجت مجبسينها من أعلى البطن الى أطراف القدمين وما بين رجولها عصاية وتظل شهرين في الجبس ولما تشوف الأطفال يلعبون تصيح أولما تشوف أي شي كانت تلعب فيه تصيح تبغاه زي التلفون ودولاب الكتب ومن الجبس صعب شيلها حتى اني رحت لاهلي وتركت زوجي عشان يساعدوني عليهاوتهجولنا أنا وياه طيلت الشهرين ,, وبعد ما فك الجبس ما تقدر تحرك رجولها ولا تظمها مع بعض وبعد فتره بدت تحركها لكن رجعت من الأول تتعلم القلب والحبي وذحين دوبها توقف واستني مشيها وهي لها مراجعة كل اسبوعين عند الطبيب اللي سوالها العمليه..الله يطمني عليها ويفرحني بمشيها سليمة ان شاء الله والله يطمنك على بنتك ويفرحك بها ان شاء الله وسامحيني اشغلتك بموضوعي لكن وضعته لعلي أفيدك بشي.
وأحب اقولك اني كل الهم اللي مريت به بعد العمليه أهون من اللي قبلها لانا ماكنا مستقرين على شي وكل يوم اشوف بنتي تمشي وتسقط وما تقدر تجري مع الاطفال يزيد حزني عليها وتزيد رغبتي في اجراء العملية والحمد لله ان كل اللي مضى اصبح ذكرى والله لا يعيد الشر ويمتعها ويمتع بنتك وجميع أبناء المسلمين بالصحة والعافية.

اخت اشراقه الصباح الله يشفي بنتك وبنتي ويشفي مرضى المسلمين

اختي لا تشيلين هم وعليك بالدعاء وانا بنتي مصابه بنفس الحاله بل بنتي من اشد الحالات واصعبها

بنتي عمرها الان 4سنين ونصف وسويتلها عمليتين اول وحده وهي بعمر 5شهور تخيلي!!!

اذا حبيتي اعطيك معلومات عن الدكاتره والعلاج الطبيعي يا ليت تردين او تراسليني على الخاص

ملاحظه:ياليت اختي نكون في تواصل دائم واي وحده طفلها يعاني من نفس المشكله مثل طرق العلاج والعمليات لان الطب يتجدد في هذى الحا لات

تحياتي :26: