أشتريت استيك لحم شرائح خفيفة.. ممكن مساعدة

وينكم... :(

هلا بأختي المتفائلة :D ....

انا بعطيك طريقة من الطرق اللي استخدمها ....

بعد ان اغسل اللحم اتركيه يجف من الماء وبعدين تبلية بالبهارات اللي عندك انا استخدم بهارات الستيك تجدينها في السوبرماركت وتكون جاهزة مخلوطة بالملح والأعشاب والفلفل .... ضعي مع التتبيلة خل او ليمون شوية صلصلة صويا وملح حسب الرغبة .....وخليه في الثلاجة ...وكل ما طول في الثلاجة يكون احسن والذ لأن اللحم اذا برد بيمتص نكهة البهارات .... وبعدين جهزي الشواية او مقلاة وسخني فيها ملعقة كبيرة سمنه وضعي شرائح الستيك فيها وحمريها من الجهتين واثناء تحميرها ممكن ترشينها بالماء او بباقي التتبيلة حتي تستوي ولا تحترق .....ضعيها في صينية وغطيها في الفرن لوقت التقديم .....

ممكن تجهزين اصناف جانبية مع الستيك مثل الخضار جزر وبازلاء تحمرينهم في نفس المقلاة ....ممكن بطاطس مخبوزة بالفرن ....تغسلين بطاطس وتلفين كل حبة بقطعة قصدير وتخلينها في الفرن لحتى تنضج ...ثم في وقت التقديم شقيها من فوق بالسكين بدون ازالة القصدير وضعي قليل من صلصة الستيك الجاهزة او اصنعي صلصة بيضاء مكونه من علبة زبادى مخلوطة مع ملعقتين اكل مايونيز وشوي ملح وفلفل ابيض وفوق الصلصة جبن مبشور ......ممكن تقديم الستيك مع الرز الأبيض ....

رشة عطر.... مشكورة عزيزتي.. اليوم راح أجربها

وإذا الأخوات عندهم طرق ثانية أكيد ما راح يقصرون ولا انا غلطانة

مشكوره مرة ثانية عزيزتي

وين الأخوات.. بس يدخلون ويشمون ريحة الأستيك ويظهرون :(

ابقولك علي طريقه سويتها وطلعت
لذيذه
اولا
حضري الستيك حسب لعددوبعدين رشي عليها فلفل اسود وملح
جيبي خضار مشكله \بازيلا\ذره\فلفل بارد

وقلبهم علي النار ويعدين احشي الحمه ولفيها علي شكل رولات
اوجبنه مزوريلاوزيتون اخضر واسود ومشرم وفلفل بارد
لك الخيار في الحشوه
ولفيها في ورق قصدير بعدين اسلقيها

وبعد ماتستوي
سخني في المقلي زبده او زيت وحمريهم بس وقدميها مع معكرونه او رز ابيض
الذيذه ومجربه