السلام عليكم ورحمة الله تعالى وبركاته



يا مرحبا بكل خبيراتنا اللى شرفوا موضوعى
زهراء
ود/فايزة
والراجية
ووردة البستان
وبنت مفيد

كل العباقرة عندى
تصدقوا بقى انا مكسوفة ادخل الموضوع عشان ما تبانش خيبتى

على العموم إن شاء الله احاول اغتنم وجودكم معاى واتعلم منكم باقصى درجة الله لا يحرمنى منكم يا رب

ويعطيكم من فضله ما شاء

راجية (على فكرة أنا بحب الاسم ده قوى )
ألف شكر حبيبتى وربنا يأجرك على تعبك ...أنا حفظته عندى وهأحاول أفصصه وأتعلم عليه
ولا تحرمينى من ملاحظتك وطلتك الحلوة


د/فايزة الله يسلمك حبيبتى كلامك يشجع ...وصدقت زهراء ...انت الاصل ,,,ومنقدرش نستغنى عنك ابدا

أختى وردة البستان
شكرا لك وربنا يتمم لك على خير ويرزقك الولادة السهلة وتفرح بالبيبى وانت بصحة وسلامة
ولكن كنت اظن أن هناك طريقة أعرف بها القماشة عند شرائها وواعتقد يكون ذلك بالممارسة والتجربة

زهراء الغالية
فى البداية انا خايفة لاكون باثقل عليك ...لكن بجد اسعدتينى لما قلتى إنك هتتابعينى الله يسعد قلبك

حبيبتى فى البداية اعتبرى ان القماشة فى إيدك وأنت هتفصليها جلابية وفى كل خطوة قوليلى أعملى كذا ...وأنا أنفذ وأعرض عليك شغلى


انا فى البداية سأقوللك أنا عملت ايه
1_ أحضرت جلابية مقاسها مظبوط عندى

2_ وطبقتها بحيث يكون الامام من الداخل وظهرها من الخارج

3_ وضعتها على القماش

4- رسمت علامة وزدت عليها 6 سم لثنية الذيل .....و 2سم لخياطة الكتف

5- حددت على مكان الكتف ....وحاولت أرسم فتحة الرقبة بالنظر

6- حاولت أرسم حردة الكم ...وطلعت شكلها حلوة على القماش

7- حاولت أرسم نفس الرسمة على ورق ....وساعرض عليك القصة اللى عملتها على الورق

لكن لاحظت عند توفير مرد للازرار إن هناك فراغ فى الوسط (اللى عليه علامة ) كيف يمكن تفادية على القماش أم إن التطبيق على القماش يختلف عن الورق

8_ عندما نقص حردة الكم والرقبة هل نفعل ذلك قبل قص الجزء الامامى (فى حالة عمل مرد للأزرار )أم نقص بعه ...لانى قصيت الرقبة والكم قبل فتحة المرد فنتج النقص اللى فى الوسط بالطول لأسفل

هل عند القص يكون الجزء الامامى أعرض من الظهر لئلا يكون هناك ضيق عند الصدر
أم كيف يكون الوضع




لاحظى النقص اللى فى الجزء الامامى




ودى كل القطع





أختى
أنا لا أعرف رسم البترون ولا أعرف شىء عنه وعندى عدة اسئلة عنه
ساعرضها ولو عندك وقت ممكن توضحيلى ولو معندكيش معلش حبيبتى معفية وممكن أى أخت توضح لو تعرف

_ عندما نرسم باترون بناخد المقاسات نفس مقاسات الجسم ....يعنى مثلا لو الطول 150 فيلزمنا ورق طوله 150 سم ....طيب هو فيه ورق مخصوص بنشتريه للبترونات بيكون طويل
أو إنه بيكون بتقدير بطريقة معينة

_ لما بنضع البترون على القماش بيكون القماش مثنى ولا مفرود ...أقصد هل مثنى فيطلع معنا الامام والخلف مرة واحدة أم أننا مرة نضع بترون الامام والقماش مفرود ....ثم نضع بترون الخلف ,....وهكذا




على العموم أسفة لو أسئلتى هتلخبطك ....وعموما يمكنك عدم الاجابة وقد أتعلم كل ذلك من طريقة شرحك ومن التطبيق



شكرا لك حبيبتى الغالية ....وجعل الله تعبك فى ميزان حسناتك

سأنتظر الخطوة الاولى

ألف لا بأس عليك أختى شفاك الله وعفاك

طهور ان شاء الله تعالى جعله الله فى ميزان حسناتك
أسأل الله العظيم رب العرش العظيم أن يشفيك شفاءا لا يغادر سقما


ولا يهمك حبيبتى المهم صحتك وانا عارفك انك ما تقصرى وعلى العموم انا احاول التعلم ولست مضطرة الى الجلابية ضرورى فلا تقلقى حبيبتى وعذرك معك


والف حمد لله على سلامتك

شفاكى الله وعافاك يا زهراء حبيبتى اذا اشتد عليكى الالم ضعى يدك اليمنى عليه وقولى اللهم اشفنى لا شفاء الا شفاؤك شفاء لا يغادر سقما باذن الله يخف الالم وكانك اخذتى احسن مسكن ويا سلام اذا كنت متوضأه لا يتأخر عنك ابدا ويلبى فى الحال

فعلا عندنا خبيرات ماشاء الله عليهم الله يوفقهم

ومشكوره صاحبة الموضوع
وشرحج واضح يالراجيه وكل الاخوات
بارك الله فيكم

زهراء حبيبتى الحمد لله على السلامة

أجر وعافية يا غالية


بس ليه تعبتى نفسك يا بنت الحلال كنت أديت نفسك وقت للراحة وبعدين كل شىء مقدور عليه المهم صحتك

تعبتك جدا معى وخصوصا إنك قاعدة على الكمبيوتر وتكتبى وأنت لسه مريضة

الله لا يضيع تعبك ويأجرك خير ويتمم شفاك عاجلا

والله ما عارفة أقولك ايه ....الله يسعدك ويعافيك يا رب


زهراء عاوزة الصراحة أنا قرأت الشرح وأتعقدت وحسيت إن الخياطة صعبة جدا وليس بالسهولة اللى أنا متخيلاها وأنها فعلا فن له أصول مش مجرد إنى أعمل حردة وأقول عملت قصة

الصراحة أنا تلخبطت

بس مش هأيأس ...وخصوصا إن دى بدايتى ولازم أتعلم صح ...


على العموم أنا هأطبق دلوقتى الشرح على القماش بس بالرسم بس طبعا لأنى ما زلت خايفة من المقص

وهأشوف ايه اللى هيحصل ,ارجع لك ....بس أنت ما تتعبيش نفسك خالص ....وخليك على راحتك هو أحنا يعنى ورانا أيه ؟؟ظ


وسامحينى حبيبتى إنى تعبتك
الله يوفقك ويسعدك يا ب


سلالالالام