نفسيتي اخر فتره متذبذبه تطيح وتوقف
وصاير بداخلي مزيج توتر وقلق وخوف وتشويش وكأن صدمات حياتي جالسه تظهر وتطفح على السطح وتتضخم مدري هي ضخمه اصلاً ولا انا مضخمتها
من اللخبطه المشاعريه والنفسيه اللي احسها مرات في لحظات ودي احد يحضنني وابكي
ودي احد يحميني ويطمنني ويهديني
ودي بمعجزات تطيب خاطري وتجبر قلبي وترمم كل شي بداخلي
استغفر الله الصيف بالنسبه لي يحمل مشاعر كثير سلبيه تداهمني بطرق متعددة وشكلي انجرفت فيها بطريقة ما وأثرت علي
من كم ساعه فتحت صفحة ملاحظات وكتبت اللي بخاطري احاول افرغ هذا التضخم اللي احسه بداخلي
ووصلت لنقطة اني لازم احمد الله واشكره على اشياء كثير ونعم عديدة عندي انا ماني معطيتها اهميه ومعميه عنها بمقابل الكم شغله السلبيه اللي مركزه عليها ومتعبتني وماخذه مني وقت وطاقه على الفاضي
اللي اعرفه اني بعد ما اصابنا كورونا وانا ماني انا مدري كيف
في شي بداخلي انتفض واهتز وجر وراه حاجات مدري وش هي انفتحت علي
الى الحين احس اني في صدمه وجاء الصيف كملها علي استغفر الله
ما اعترض على شي لكن هي مجرد هذره فضفضه مالها معنى على سبيل التفريغ لا اكثر
سلام
نفسيتي اخر فتره متذبذبه تطيح وتوقف
وصاير بداخلي مزيج توتر وقلق وخوف وتشويش وكأن صدمات حياتي...
توفت امه بكرونا وكل بيتهم مصابين لكرونا الله يشفيهم من سمعت الخبر رسلت رسايل وترد بس كلمه وكلمتين و اتصل مترد عليي لاني مارحت العزاء
من بدايه كرونا واني حاجرة عمري بنتي عندة روبو وخايفه عليها وخايفه على امي وابوي
حتا معنا واحد من العايلئه توفي مارحت رسلت رسايل والحمدلله الكل مقدر وضعي