أشعر بتأنيب الضمير ..

أولا التوقيع خلاني أضحك من الصبح (:

أضحك الله سنك


ثآنيا بخصوص الموضوع أنا مابي أعور قلبك وأندمك

لان الحلو فيك أنك حآسه أنك غلطآنه والشيء هذا طيب

ياحبيبتي بعطيك نصيحة لوجه الله وإذآ طبقتيها بترتاح نفسيتك

وبتحسين نفسك عليك عزيزة :

(لاتعاملين الناس مثل مايعاملونك فيه
ولاتغيرين أخلاقيآتك على حسب أخلاقيآت غيرك)


أنتي معترفه أن أكلك مره لذيذ تكلمت ماتكلمت أمدحت نفسها بكيفها
المهم إن الكل يشهد وشهادة الكل مو مثل شهادة الوآحد


ثالثا
أنتي غلطتي وعطيتيها المقادير سهله

تتراجعين عن الموقف دقي عليها وصفي نيتك

وقولي لها انا هذيك المره وش عطيتك

لا اسمعي المقادير صارت ناقصة وبس

وكان الله غفورا رحيما



وانصحك لا تموتين نفسك من القهر ع حركاتها

لو ما انتي سنعه ماكانت سوت كذآ سامحيها كل مره لوجه الله


ولا تخلين بقلبك عليها شيء

دعوآآتك لي عندي اختبارات وادعي يجيني خبر حلوو مثلك

عادي حبيبتي تصير كثير بس انتي مرة ثانية اعطية واجرك علي الله

وهي الله يهدية يارب

اولا غاليتي انك غلطانة وثاني شي مادام انك واثقة من نفسك لايغرك كلالالالالالامها ولادقها للهرج المثل يقول <لايضر السحاب نباح الكلاب> واعتذري منها بس بطريقة غير مباشرة وحاولي انك تمدحي اكلها لو بالمجاملة لانو صدقيني لو عاملتيها بالطيبة راح تعرف غلطها وتحسن تصرفاتها لاني حصلتلي هذه الحركات من احد سلفاتي والله يوفقنا لما يحب ويرضى:27::27:

اختي الغالية ماحسيتي بالندم الا لطيبة قلبك ... ولا ازكيك على الله

1- اذا قدرتي انك تعدلي لها الطريقة بطريقة غير مباشرة عدليها .

2- حطي في بالك نصيحة ذهبية بتفرحك مره وهي "انها ممكن تعتمد هالحلى(طبعا بعد التعديل يالغلا) لها طول عمرها بمعنى لو سوته واي احد اكل منه سواء ضيوف او عائلتها راح يجيك الاجر في كل لقمة وقيسي الوضع اذا سوت برمضان وصار في سفرة الافطار للصايمين " بصراحة اشوف وصفات الاكلات تعتبر صدقة جارية

ويمكن تنقلها لاخواتها ولامها وهكذا والاجر يجيك ..وهو بسيط عبارة عن حلى اخذتي منه الاجر

انا مره سمعت خالتي تمدح صديقتها وتقول الله يوفقها ومن قلبها تدعي لها تقول: علمتني طريقة بسكوت رائعة...
وطبعا خالتي الحبوبة علمتني طريقة هالبسكوت

على فكرة امدحي اكلها وتشوفي كيف راح تخف معاملتها لك ... صدقيني احيان الواحد يحتاج دفعة ايجابية في وقت يكون محبط!!

يعني حبيت اوضح الامر من ناحية ايجابية ... الله يرفع قدرك ويوفقك دنيا واخرة

والله ماادري
انا كنت اعلم بكل شي يخصني اذا احد سألني
بس صرت مااعلم لانه ولا احد منهم يقولي اي شي يسويه
يعني ماصرت مااعلم حسد لا بس انا انصدم لما اقول لهم بكل نيه زينه وفي الاخير تكسحني اذا سألت
عشان كذا بطلت اقول