أشعر بتأنيب الضمير

السلام عليكم ورحمة الله
قبل شوي قريت قصه في اﻻنستغرام عن وحده في مكه شافت طفل أبيض مع أفارقه
وشكت انه مخطوف قامت أغرته بأكل معها وأخذته للشرطه
واتضح انه مخطوف له سنتين وأمه كلمتها وتشكرت منها
هالموضوع رجعني ورى كم سنه ﻷني شفت منظر غريب حرمه بشرتها سمراء وكانت منقبه وهيئتها رثه
ومعها أربع أوﻻد أعمارهم 8 أو 9 سنين حفاه ما عليهم اﻻ سروال وفنيله بيضاء ومحلوقه روسهم ووجوههم مخمشه ووسخين
كانت تصارخ عليهم عشان يركبون تكسي هي موقفته ركبو ثلاثه والرابع انحاش قمت حديته ورحت لها وقلت ولدك انحاش
وهي تناضرني متخرعه وتقول له اركب اركب وهو كانت فيه الصيحه كنت أحسبه زعلان عليها وإﻻ يبي شي من المحل وﻻ خلته ياخذه
كنت أحسبها أمه لكن بعد قرائتي للقصه تذكرت وضعهم كيف ولون بشرتهم أفتح منها وخفت أكون ظلمته اني حديته وﻻ تركته ينحاش منها
بس كنت خايفه عليه وﻻ فكرت انه يمكن يكون مخطوف وإﻻ ليش شكله كان كذا
يا رب يكون بخير وما أكون ظلمته ولا الثلاثه اللي كانوا معه
حسبي الله على كل الخاطفين، الله ينتقم منهم، وينصر المخطوفين ويحفظهم ويرجهم ﻷهلهم سالمين