أشك ان خطيبي بخييل..كيف اتصرف معه

صباح الخير

اخواتي انا تملكت على رجل متزوج وزوجته تعلم ولافي مشاكل

خطيبي مقتدر جدا يعني عنده مؤسسة وعنده فلتين واراضي وراس ماله فوق عشرة مليون

لما جاء العقد يحاول المهر يساوم فيه لين اتفقنا ع مبلغ هو معروف للمطلقة سابقا

لاني كنت مطلقة وعندي ولد

يجيب معاه هدايا بسيطة

ويعزمني ع عشاء في فنادق فخمة

ناوي شهر العسل دبي مع اني ودي بدولة ثانية لكن ماحبيت اطلب

البيت قال بيسكني بشقة كبيرة في عمارة له
وولدي معاي

الشغالة قال لو حصل حمل اجيب ع طول

زوجته عندها خير ايضا ربي موسع عليها يقول في زواج ولده هو من يتكفل بحفلة الرجال لكن الحريم زوجته اللي تدفع كل شي

استغربت المفروض هو من يتكفل بكل شي

اذا يسولف معي يقول كلفتني الشغلة الفلانية كذا وكذا

وولدي او بنتي مصاريفهم كثير مايرحمون

يعني دوم يجيب طاري الشي اللي صرف عليه كم


سيارته عادية مو فخمة مره

ملابسه يهتم فيها ويهتم بمنظره

هو يحب يعزم دائما ضيوف ببيته

بس تعرفون العزايم مو دليل ع الكرم واحيانا يكون بخيل ع اهل بيته في نماذج كثير كذا..

مايسألني ابدا تحتاجي شي ويعرف عندي ولد اصرف عليه..

يقولي اذا تبين اخلي لك الضمان يمشي بعد الزواج خليته لك لاني استلم ضمان

قلت لا لاتخليه وليش انت تنفق علي صرت زوجتك المفروض
قال عارف بس قصدت لو حبيتي في كثير يسوونها


وقال انا اصلا بعطيك بداله قلت مايكفي لازم تزود مصروف اكثر من مبلغ الضمان

قال اذا قدك عندي مابقصر معاك


يصراحة صرت اخاف وانا مستحيل اتعايش مع بخيل

لاتقولون اختبريه
اكيد لو اطلبه شي بيجيب لانها فترة ملكة وراح يجامل

لكن ياليت من نفسه يجيب


من زوجها ربي موسع عليه كيف يصرف عليها اذا كان كريم

لان البخل شي مزعج وصفة سيئة تدمر الحياة الزوجية

ارائكم واقتراحاتكم:26: