أشك بزوجي وأحس ورآه شي بس كيف اعرف ؟؟

السلام عليكم 




من رجعت بيتي للحين وانا مثل الجدار ومانحتك ببعض أقوم بواجباته وهو نفس الشي
لكن الفرق بيني وبينه انه عااااايش حياته ومنشغل بالدوام والنادي ودراسته
 انا مالي شغله الا أراقبه لا تقولون لا ماينفع وانتي تتعبين ،، 
بقولكم عارفه هالشي وانا ماكنت كذا ابدااا لكن أسلوب الحياه اللي عايشتها تجبرك ع المراقبه عشان تعرفين وش سر التغيير
وكمان  صارت مشكله  وتدخل. فيها الأهل وللأسف ما انحلت المشكلة طلعت انا الخسرانه لف ودار وقلب الطاوله علي 
المهم انا من فتره شاكه فيه والمشاكل اللي مرينا فيها تدل ان في شي هو حريص وحذر جدا
بس لاحظته احيانا يسوي تصرفات تخلي شكي يتأكد 
اول شي ،، مره كان ع الواتس ومنسجم يكتب ،،
حماسه وهو يكتب لفت نظري ،،
فجأه قام لبس وطلع بعد ماطلع حسيت انه طلع يكلم
 قلت اتصل ،،اتصلت الا وخطه مشغووووول طول الوقت لمن رجع ،، من هنا بديت أحطه تحت المجهر وبهدوء
المره الثانيه جاي من الدوام وبينام جواله كل شوي يرن وهو يسوي صامت في النهايه قفل جهازه 
اول ما صحى فتح جواله ماا مداه يفتحه الا ويرن وطبعا مارد 
قام لبس وقال انا بروح محل الخضار أجيب خضار
تبين شي ارسلي رساله وطلع بعد خمس دقائق اتصلت عليه متقصده بشوف جواله  مشغول ويطلع مشغول
 خطه جلس مشغول قرابة الساعه بعدها اتصل قال وين الأغراض
سألته أخذت الخضار او لسى قال لسى ارسلي اللي تبين قلت مابي شي وقفلنا
المهم رجع ومعاه ليمون ،،ساعه ونص برا ع ليمون ؟؟ بالله مو واضح الهدف من الطلعة كلها ،،




انا تعبت من المراقبه ولا اقدر  أعيش مستغفله ومثل الشغالة اطبخ أغسل أنظف  
ابي حل تكفووون ابي اعرف وش عنده لا تقولون تكلمي معاه او لا تراقبيه لانها مو حل 








ومعليش أفكاري مخربطه بس أتمنى فهمتوا انا وش ابي ،، 












لا اله الا الله محمد رسول الله