أشك في زوجي وألاحقه فما نصيحتكم لي ؟

اختي الغاليه تبين نصيحتي ودري عنج هالاسلوب التجسس وملاحقه الريال اصلا بالعكس جي بيطفش منج وبيكرهج وبيحس انه محاصر تبين تكسبين ريلج ثقلي عليه وعطيه الثقه تعوذي من ابليس هو يوسوس لج ويصور لج خيانه زوجج حرااام عليج اللي تسوينه بروحج انتي تعذبين نفسج على الفاضي ولاتتصلين فيه ابدااااا جربي لمده شهر ابدااا لاتدقين عليه صدقيني من ثالث يوم بتشوفينه يتصل ويسال عنج وعن عيالج :25: وبيقولج عسى ماشر عيل ماتصلتي ؟شوالسالفه :humm: جربي مابتخسرين شي والشهر هذا انتي كل يوم اجتهدي وقري سوره البقره يوميا سوي برنامج انه تقرينها كل يوم ماتفوتين وشغلي نفسج بعيالج لاتحطين همج هم الريال تراج والله بتموتين غصه وكل ماتلحقينه وتحاصرينه كل ما نفر وبعد منج وجي صدقيني بتخسرينه ياخي عيشي حياتج وعليج باذكار الصباح والمساء تخفف عنج وسواس الشيطان ودايما رددي ( ربنا هب لنا من ازواجنا وذرياتنا قره اعين واجعلنا للمتقين اماما ) والله يسعدج ويسخر لج ريلج

مشكورة الغاليه أم عبودي على النصيحة وماقصرتي بس شئ تعودت عليه تعودت أنا إللي أتصل وأنا إللي أسأل تصدقين حتى يوم يدق موبايلي مايسألني منو إللي متصل فيج مايهتم مثل ماأنا حارقة عمري عليه كل أنا بس إللي ألاحقه وهو ولاسائل مول مطنشني عموما ماقصرتي الغاليه

العفو يالغاليه بس انا بقولج ليش هو مطنش ومايسال لانج يالغاليه ماتعطينه فرصه غاثتنه بالاتصال يتصل ويسال ليش وانتي اربع وعشرين ساعه تدقين شي طبيعي غيبي يوم يومين لاتدقين شوفيه اذا ماتصل يعني مطنش واذا اتصل على طول يسال يعني كلامي صح ودري عنج الغيره تراه بدمرج وبدمر حياتج وترا شو في المثل اذا انتي تسرقين انسان وكل تقولين له انه حرااامي دايما وهو مش حرامي اخر شي صدق بيسرق انتي جربي عطيه الثقه وحتى لو انه مثل ماتقولين يخونج ياختي دعي الخلق للخالق الله بيحاسبه ليش تعذبين نفسج توكلي على الله وحطي في بالج شي احفظ الله يحفظك راعي ربج في كل شي وحافظي على امور دينج وعبادتج وعلى عيالج وصدقيني ربج مابيضيعج وبسخر لج ريلج ثقي بربج وحسني الظن فيه قال الله تعالى انا عند حسن ظن عبدي بي ان ظن بي خيرا فخير فادعي ربج يهدي لج ريلج وايقني بالاجابه وتوكلي عليه وبس :27:

بصراحة الغاليه كلامج وايد حلوة ويثلج الصدر الله ينور لج دربج ويوفقج يارب أنا محتاجة فعلاً حد يقولي إللي أنا فيه شئ طبيعي وإلا لأ ولو كان الأمر عادي جان ماكتبت أطلب النصيحة إلا إني فعلاً متعذبه عذاب الله يعلم فيه هو دائما يقول لي الحين من تزوجنا لين الحين شفتي علي شئ مسكتيني في أي يوم مع أية وحدة أو مسكتي علي شئ في الموبايل أو أي مكان والله حق أنا أبداً ماشفت عليه شئ مول ولا زله أبداً بس هذا الشك والغيرة هي إللي معذبتني وماأعرف أتخلص منها جزاج الله كل الخير ياالغاليه أم عبودي

اختى ام عنوودي
معليش ان مومتزوجه بس بحكم اني صديقتي واخوتي متزوجين
فاخذت الخبره غي هالاشياء

ان انصحك انك ماتشكي في زوجك تشكي بس حددو معقوله موتتدق عبه كل شويا ووينك وين رايح ومادري شنووو
لا حبيبتي خلي ثقتك في زوجك كبيره وعطيه الثقة
لان يمكن من تصرفات هذي تتدفعي زوجك للغلط لان بيقول دمها شاكه شاكه ليش مااسوي الى هي شاكه فيه

اقسم لك فالله ان اعرف وحدة زوجها يشك فها شك موطبيعي وتدري ايش نتج عن هالشك صارت الزوجه تسوي كل الى يشك فيها زوجها فعلا تقول عشان اذا شك مااضايق من شكه

فانصحك انك تدعي ربك ان يهدي ويبعد عن طريق الحرام..