واذا حسيتي انه بعد اللبن والقشطه صار الماء كثير خوذي منه لاتحتارين ولاتقلقين ولاتقولين باريس نجد ورطتن تراي علمتس هاه
هاالحين خليه يطبخ بوداعه وهدؤ وراحة بال ولاتزعجينه كل شوي فاتحتن الغطا ، بس لاصار ليتس كذا ربع ساعه أو ثلث ساعه احركيه علشان مايلزق بقاعة القدر ... لكن فيه ملاحظه مهمه وهي كالتالي ... لاصار شكله كذا ...
معناته خوذي شوي من ماء اللحم واللبن المخلوط ...
وصبي عليه يجي ثلاثة أو أربعة مغاريف أو أزود حسب الحاجه ... همن حركيه علشان
يختلط معه همن غطيه ...
واتركيه يطبخ على نار هاديه ...
اسمعي لاتطلعين من المطبخ وتروحين تبسطين مع أهلتس ،،، لالالا ...
ولمي كشنة الجريش وهي كالتالي :
قطعي بصلتين كبار تقطيع صغير وحطيهن بمقلاة وحطيه عليه سمن أو زبده واحركيه
همن حطي عليه ملعقه صغيره ليمون أسود وشوي صفار ، أو مسمنه جاهزه اذا عندكم ...
وحركيه مع بعض ... ولا خلص حطيه بحافظه علشان مايبرد ...
هاالحين الحمدلله خلص الجريش ... مهوب تروحين من الفرحه تحطينه لأهلتس على طول .. لالا
لاااااازم وحتما ولزما <<< طراه اغنية ماما نور المسلسل المصري حق بوسي ...
انتس تدقينه ... ماهو الدق ؟
هو ضرب الجريش بقوه بآله خاصه تسمى مدق الجريش ...وعندي صوره توضيحيه ..
هاالحين دقي به الجريش بهاالطريقه ...
تدقين وتدقين وتدقين ... اللين يصير زي كذا
هاالحين استانسي انتهت المهمه وجينا للتقديم ...
حطيه بحله ... همن حطي عليه الكشنه ( البزار ) اللي صلحتيه قبل شوي وحطي عليه اللحم ...
هاه وش رايتس .. مهوب فله وووناسه ايه هين الا تعب وكرف ومشقه
بس عشانكم يالإقلاع كل شي يهون وتعبكم لذيذ بلذة هاالجريش
ملاحظه :
ترى اللحم تتبيلته عاديه تحطينه بقدر وتحطين عليه شوي صفار وليمون أسود وكمون وتخلينه شوي على النار وكل شوي ارقليه ( يعني قلبيه بالقدر والغطا مسكر ) ..
الصفحة الأخيرة
ارفعي القدر من على النار وحطي على عين الفرن هاالحديده ...
بعدين رجعي القدر فوقه ، شكلتس مستغربه وشهوله الحديده ذي ؟؟؟ أنا اعلمتس علشان مايتحكك الجريش ولايلزق أو يحترق ويصير تمام التمام ... همن ...
خوذي الجريش اللي شخلتيه وكبيه على ماء اللحم وحركيه علشان يختلط مع بعضه وشيلي من الماء زي الرز بالضبط علشان مايصير خبيصه وكل ماشرب ماه يعني قل زيديه اذا احتاج ... همن ارفعي عليه النار اللين ينبر ( يتناقز ) بقوه ... زي كده ...
هاالحين لاشفتيه ينبر بقوه .. اقصري عليه النار وصبي عليه اللبن والقشطه اللي خلطتيهن بالخلاط قبل شوي وخليه يطبخ بهدؤ ورفق .... هكذا ...