أشياء ترجع المتزوجات عرايس ومفعوله سررريع وراح تدعون لي

للمعلوميه:الوصفات والنصائح الموجوده تظهر نتائجها الرهيبه في فتره قصيره جداً أطول مده لها أسبوع وكلها مجربتها و أكيده من نتائجها.
بما إنكم تستاهلوا يا فراشات قررت أكتب لكم كل تجاربي وكل وصفه إنتهت معاها مشكلتي
بدايةً إحترت في أي قسم حنزل الموضوع هذا


ولكن قررت أحطه في هذا القسم عشان العرايس أكتر بنات محتاجين هذه الوصفات لأنها ليلة العمر إللي ماراح تتعاد ويارب تكون بالزبط زي ما إتمنيتوها وحلمتوا بيها من كبيره لصغيره.
فراح أقلكم على وصفات من وقت ما عرفتها إنتهت كل مشاكلي إللي كل البنات يحملوا همها وإللي ضمنها أشياء يستحوا يقولوها عامةً


بس ما أبغى غير دعواتكم ليا يابنات ,عدد المشاهدات الكبير للموضوع يفرحني ويحسسني بقيمة إللي كتبته عشان عيونكم بس ردودكم لها طعم تااااني..




*لإسمرار الرقبه : نص ليمونه صغيره تكوني عصرتيها نص عصره وتحطي عليها خل تفاح أو أبيض (الموجود عندك)تفركي بيها رقبتك بهدوء لمدة 10 دقايق و بعد ماتنشف أغسليها عادي راح تلاحظي الفرق في أسبوع.



*للخطوط في الرقبه : أفتحي فمك أقصى حد وسكريه و حتروح من رابع يوم حتلاحظي إنها خفت كتير طول ما إنت فاضيه سوي التمرين هذا.



*للجلد النازل تحت الفك (الجغد) : هذه المشكله عند كثييييير من البنات ومنظرها سيء وفي الصور تبان أسوء, خوذي زيت أي زيت (أنا سويت بالسمسم) ودلكي رقبتك من تحت لفوق لحد الفك براحة اليد لمدة 10 دقائق يوميا.في إسبوع حتلاقي فرق مو معقول.


*نجي الآن لمشكله حساسه جداً (لرائحة الفم عند الإستيقاظ من النوم) :
بالله ما حملتي هم الموضوع هذا؟ بعد ماتغسلي أسنانك إستعداداً للنوم خوذي ملعقة شاي زيت زيتون و أتمضمضي بيها تماااااام وخوذي نص ملعقة شاي تانيه و أبلعيها و تصبحي على خير.من أول يوم حتلاحظي الفرق جنااان.



*إيش عندك مشكله في وجهك؟ شحوب, حفر, حب الشباب و أثاره ,عدم توحد لون البشره, إسمرار شفايفك, هالات سوداء, تجاعيد, كلف, بهاق, إيش كماااان؟؟؟عندك سواد بزوايا الفم, مسام واسعه تشققات في الصدر أو في أجزاء أخرى من جسمك كل مشكله عندك : قناع الذهب تعرفوه؟؟ سمعتوا عنه؟ والله شي رهيب خرافي
تحطيه في وجهك اليوم من شهر لشهرين قدام ماراح تحتاجي لا أساس ولا خافي عيوب لبشرتك ماراح تحسي نفسك من جد عروسه وملكه غير بعد ما تشوفي نتايجه الهالات السوداء راح تخف و وجهك حيصير منووور مضيء شي مو معقول شفايفك راح يفتح لونها وتصير رقييييييييييقه وناعمه في هذا القناع لا تثقي في أي صالون ولا بأي أحد يبيع من بره لأنه إنتشر في السوق الصيني ويقولوا فرنسي والفرنسي في السعوديه نادر جداً فأفضل شي الألماني و الإيطالي والياباني الصوالين أسعارهم شويه عاليه مثلا في مكه لقيته في صالون إلياذه و يقولوا فرنسي الله أعلم جد ولالا لأن الفرنسي لساته ما أنتشر في السعوديه(من مصدر موثوق) ب800 ريال و في جده رحت لمانا سنتر ولقيته ب1300 وفيه بنات يبيعوا بالجلسات دورت في المنتدى عليهم ومالقيت و رسيت على وحده شفت علبتها بعيني مكتوب عليها صناعه إيطاليه <<طبعاً إنجليزي وسوتلي الجلسه في البيت ب350 وبعدها لقيت نفس النوع عند وحده ثانيه تبيع بالجلسه و أخدت الجلسه منها بسعر أقل بكثير الحمد لله و جربته على التشققات بنفسي في البيت وكان إستخدامه سهل ونفس النتيجه الحمد لله ممنوع أحط الأرقام عالعام ولا كان أفدتكم إللي تبغى الرقم تراسلني وممكن تعمل بحث في جوجل بس زي ماقلتلكم أحذروا مايبيع الإيطالي الأصلي غير قليل وفيه وحده تحلف إن إللي عندها إيطالي وهو صيني ومشهوره في المنتديات إللي تبغى إسمها كمان تراسلني عالخاص عشان لا توقع فيها.النتيجه من أول مره ويبقى فتره طويله أكتر من تنظيف الوجه العادي وأفضل.



أقدامك خشنه : تبغيها طريه زي الأطفال؟؟ خوذي كريم نير مزيل الشعر من الصيدليه أي نكهه ب10 ريال وأدهنيه بالملعقه الخاصه بيه على أقدامك من تحت بس تكوني قبلها نقعتي رجولك في مويه دافيه وملح ل15 دقيقه بعدين تدهني الكريم و تربطي رجولك بكيس ل20 دقيقه بعدها أدعكيها مزبوط بحجر الخاص ما حتتخيلي إيش حيصير في رجولك حيطلع جلد ميت ما تعرفي من فين بعدها أغسليها ولما تجي تنامي ممكن تدهنيها جلسرين أو أي كريم مرطب لنعومه أكثر جربوووووها يابنات والله ما تندمواا حتحسي نفسك طفله من نعومتها.النتيجه من أول مره طبعاً ومو محتاجه تعيديها غير بعد كم شهر.



للحروق الجديده والقديمه : كريم ميبو من الصيدليه للحروق الجديده, أما القديمه وباقي أثرها جربتلها خلطه ونجحت كثيييير ماشاء الله لو ما أعرف إني إتحرقت في هذه المنطقه كان أقول ما إتحرقت وكل من يشوف يدي مايصدق إني محروقه,
الخلطه هيا إلدوكين فورت4% +أفالون البرتقالي+ريتن إيه أكيد سمعتوا عنها للإسمرار في جميع المناطق صراحه ما فادتني بشي يذكر غير في الحروق قلت أجرب ومره حلوه النتيجه بس تسيبيه بالتدريج.الصراحه النتيجه بعد شهرين سوري إنها طويله بس إتذكرتها و أنا أكتب وقلت أفيدكم.



لسواد الشفاه وعدم تطابق اللون : كريم إلدوكين فورت1% مره حلو للشفايف
حطيه كل يوم قبل النوم زي المرطب طبقه رقيقه وبعد النتيجه المرضيه سيبيه بالتدريج (الوصفه هذه من دكتوره كتبتلي ياه)



لتعرق الوجه الزايد : صحبتي عندها المشكله هذه من سنين والحل مره سهل في يوم المناسبه أو كل يوم أمسحي وجهك بنص ليمونه لمدة نص ساعه وبعدها أشطفي وجهك بمويه بارده وممكن موية ورد.من أول مره.



لتنعيم اليد : وصفه معروفه بس يمكن وحده منكم ما تعرفها تحطي في يدك ملعقه صغيره سكر وشويه عصير ليمون وأفركي يدك مزبوط
كأنك تغسلي بصابون لمدة 5دقايق بعدين أشطفيها راح تكون ناعمه كأنها قطنه وتنفع للوجه للي عندهم قشور في وجهم بس تضيفي عليها زيت زيتون ملعقه صغيره وممكن تضاعفي الكميات وتسويها للجسم كمقشر طبيعي.من أول مره.




مشكله حساسه ثانيه والله مستحيه أقول هههه , لتكبير الصدر :
تشربي كل يوم مغلي الريحان مرتين في اليوم ,وتلبسي حماله صدر قطنيه وتطحني فاصوليا بيضاء وتحطيها في علبة ملح فاضيه وكل ما دخلتي الحمام الله يعزك رشي رشه عالصدر يابنااااات مجرب والله سوووها ومره سهله.النتيجه من أول إسبوع وتلاحظي فرق واااو بس توصلي للنتيجه إللي تبغيها وقفيها وتراها تشد كمان.


لرائحة البصل في اليد : أوراق النعناع أو البقدونس تفرميها بالسكينه وتدعكي يدك فيها.حتروح الريحه على طول.


لإبطاء نمو الشعر في جميع مناطق الجسم وتخفيفه : أدهني المنطقه المراده بزيت زيتون لمدة 3 أيام راح يتأخر نمو الشعر وحيطلع ناعم وخفيف و مع الإستمرار راح يقل و تصير الشعره رفيعه وشقره.من أول إستخدام راح تلاحظي الفرق.


تبغوا وصفه جنان للشعر لكل مشاكله تلاحظي النعومه خاصة الجاف و الأجعد وإللي يتنكش شعرها بسرعه والكثافه مو معقوله : لا تستثقلوها والله سهله مره بس جربيها مره ماراح تستغني عنها:: 1 فنجان قهوه لكل المقادير حبه سوداء,1فنجان محلب, 1 فنجان زيت مناسب لشعرك و أفضل زيت السمسم لأنه يطري الشعر ,1فنجان عسل , 1بيضه , 1م ك قرنفل 1م ك قرفه ,1م ك خل تفاح, 1كوب سدر للي تصبغ شعرها و إللي تحب الطبيعي تحط حنه أفضل أول شي تعجنيها بمويه دافيه بعدين تحطي باقي المقادير كلها و أكيد الحبه السوداء والقرفه والقرنفل والمحلب ...إلخ مطحونين
تخمري الخليط من ساعه ل ثمانيه ساعات مو أكثر وتحطيها في شعرك من الجذور للأطراف وتربطي شعرك بكيس بعد ماتلفيه و تحطي فوق الكيس قماش بندانه أي شي وتخليه 5 ساعات أقل شي 1مره وحده في الإسبوع وبعدها بيوم أو يومين تزيتي شعرك باللي يناسبك والكميه تكفي شخصين شعورهم لأكتافهم. حتلاحظي كل شعره في راسك إتغيرت من أول مره و للي تبغى الكثافه تستمر 3 شهور لا تستثقليها والله سهله مره والنتيجه روعه.


لون صبغه رائع يليق على البيضه والقمحيه والحنطيه (مو شي واو) : والله عن تجربه وشفت بيعني صحباتي بإختلاف ألوانهم صبغنا لون واحد كل وحده فينا أحلى من الثانيه اللون من ويلا ب17 ريال العبوه الوحده ( لون أشقر ذهبي+ أشقر رمادي فاتح+1أوكسجين 9% غير الموجوده بالعلبه وإذا شعرك لأخر ظهرك حطي 4أوكسجين غير الموجوده في العلبه وحطي عبوات الصبغه كلها و إذا وسط حطي ثلاث أرباع العلب و إذا لرقبتك حطي نص من الذهبي ونص من الرمادي) حطي الصبغه في الصحن البلاستيك الخاص بدون الأوكسجين وقلبيهم تمام إلى أن يتجانسوا وبعدين ضيفي الأكسجين عشان يطلع لون شعرك واحد,واللون راح يطلعك أفتح و أكثر نضاره مما إنت عليه.



لعدم توحد لون الجسم ولإخفاء إسمرار المناطق الغير مرغوبه لإضفاء رونق على الجسم ككل : مؤقتاً خوذي أي لوشن يناسب بشرتك و أخلطيه مع ملعقه صغيره مكركوم (تنتريون) إللي هوا الشي الأورنجي إللي تحطوه على الجروح وتخلطوهم سوا وتدهنوا فيها المناطق المراده بإستخدام القطن, البشره البيضه حيعطيها تورد ناعم والسمرا حيعطيها لون برونز روعه بس بالله يابنات ماتستخدموا الخلطه في عري أو إظهار مفاتن لغير أزواجكم أنا بريئه من إللي تستخدم الوصفه لغير رضا الله.


لشد المنطقه الحساسه ونعومتها ونظافتها:
قطعه مره مذوبه في فنجان ماء ورد وتمسح بها المنطقه بواسطة قطنه.


أفضل غسول للمنطق الحساسه:
ملح خشن+مويه دافيه مره وحده يومياً

علاج لجميع مشاكل الرحم:
خلال أيام الدوره الشهريه في أي وقت قد ماتقدري سوي التمرين هذا والمفروض تنامي بيه
وهو إنك تنسدحي على ظهرك وتحطي مخده تحت مؤخرتك فقط وترفعي رجولك على الجدار أو حافة الكنبه وبس فيه أسهل من كدا 3شهور وكل مشاكلك محلوله من سقوط وميلان ..إلخ وراح تلاحظي الفرق من أول مره.
:):):):)