بسم الله الرحمن الرحيم
هلا ياالغاليات
كثير من اهلي واهل زوجي :arb: يسألوني اسأله وارجع وأعيد نفس الإجابه عن اشياء قد تكون معروفه عند بعضكم لكن قلت يا نعناع مديني طلعي ها المعلومات للبنات القمورات علشان الكل ينتفع وما راح اكثر عليكم
مثلا
عندك الحليب البودره فيه شي اسمه حليب بودره ينباع عند المطاحن حقت الدقيق والقهوه والبهار
يبيعونه بالكيلو دايم اشتريه بالشوال الكبير لأنه ينفع للحلويات والطبخات فقط لكن الشرب لكم عليه ما ينفع :09: يبان ان طعمه رخيص والفايده من ها المعلومه هي التوفير لأن سعره ارخص واكيد هذا الكل يدوره
رقم اثنين
الجريش وما أدراك ما الجريش اللي تبي جريشها الكل يقول وش ها الجريش اللي يهبل اطبخيه وين ياقمر ؟ بتقولون على الفرن
لا ياقمر اطبخيه جوا الفرن
يعني بعد ما تركبين كل مقادير الجريش شيليه من العين العلويه ودخليه جوا في الفرن وسكري عليه على نار هاديه وكل فتره تابعيه
السر أين يكمن ؟
اقول لك
الحراره الي تجي من الفرن من جميع الجهات تخلي الجريش ينطبخ بشكل افضل يعني (يندمغ)
عاد انتم افهموها
المهم الكل يبي يقول وش ها الجريش :icon28:
ثالثا
البطاطس المقلي نقعيه في ماء وملح بتقولون عادي بجيكم اصبروا علي
السر حطي فص ثوم مبشور معه وخليه شوي ثم اقلي
واستمتعي بأحلى بطاطس اكلتيه في حياتك
رابعا
حشوة السمبوسه الأصابع او السبرنج رول متعودينها خضار أو دجاج وخضار
لكن انا اقول لكم زيدوا عليها شعيريه اسلقيها بعد ما تكسرينها وحطيها مع الحشوه وشوفي الفرق
وفيه سر صغيروووون بعض الأحيان احط بدل الشعيريه اندومي مسلوق مع بهاراته مع الحشوه
تطلع الحشوه واو وانصحكم بنكهة الخضار رووعه
وارجوا انكم ماتعصبون :mad: علي يااللي مندبله كبودكم من الأندومي تقولون ملاحقنا حتى في الحشوه معليش تحملوا
خخخخخخخخخخ
اخيراً علشان ماتملون
الشاهي افضل نوع جربته شاهي كبوس الحبيبات
أو ربيع حبيبات
فهمتوا علي يعني مهو الفله الورق العادي
لالالالا
يكون ناعم مررررره
إذا خدرتي الشاهي منه خلاص معد يثقل ولونه رايق
والكل يقول وش طعم شاهيك يانعناعه
ودمتم هذا اللي في بالي الآن
وكل ما ذكر سابقا هي اسأله دايم تجيني
من اللي حولي ودايم اعيد الجواب قلت اخلي بنات حوا من ضمن اللي تعمهم الفايده
وهذا لأني احبكم
وادري انها يمكن تكون مكرره عند بعضكم لكن السموحه منكم
وايه نسيت آخر شي إذا جيتي تقلين
ولعي (شمعه )الي يجي لو شمعه صغيره عند الفرن راح تمص ريحة القلي
وبتقولون نعناع مديني قالت
خخخخخخخخخ
سامحوني
الحريم وحب الهذره
تحياتي للجميع
دمتم بحفظ الرحمن:):)
نعناع مديني2 @naanaaa_mdyny2
عضوة فعالة
يلزم عليك تسجيل الدخول أولًا لكتابة تعليق.
**الشووق**
•
مشكوووره
الصفحة الأخيرة