طيب شلون اكون انثى مسلمه في قولها وعملها وفي قلبها🌧🌧.
________________
بقول اهم الصفات الي لازم تكون فيك عشان تكونين انثى ب معنى الكلمه 💗💗.
اولا خلي اسلامك يطلع ب أخلاقك لان الاسلام هو الدين الصحيح وهو الدين الذي يدعوا لأفضل الاخلاق واحسنها وهذا شيء مايختلف عليه اثنين✋🏻💗.
لأن الاديان الباطله الثانيه لو هي تدعي لمكارم الاخلاق كان ردعت اهلها ✋🏻
وكان ربتهم وماخلتهم يعيشون العيشه الي هم فيها الان✋🏻
الحمدلله على نعمة الاسلام وماكنا لنهتدي لولا ان هدانا الله 🌧✋🏻.
_______________
كيف اخلي الاسلام يطلع بتصرفاتي؟؟
لما تجي وحده تبغى تغتاب معك لاتقولين مايصلح نتكلم في احد او عيب قولي حرام🌧.
لما تجين تلبسين عاري وقصير قولي حرام والقصير والضيق (كاسيات عاريات) يمنعك من شم رائحة الجنه حتى!🌧.
لما احد يسألك وتتذكرين انك بتكذبين قولي لنفسك حرام✋🏻🌧.
باختصار لاتجعلي الله عز وجل اهون الناظرين اليك💗💗.
هو الوحيد الي يستحق اننا نثبت انفسنا له هو الوحيد الي يستحق نغير انفسنا عشانه لانه هو الي مستحيل يتغير عليك حاشاه مستحيل يتركك بمحطه من محطات حياتك💗✋🏻.
هو الوحيد الي مايرضى لك الظلم مو مثل بعض الناس حاشاه سبحانه رضاهم وعدم رضاهم عليك هو على حسب علاقتهم معك!!
ربي مايرضى الظلم حتى عالكافر والكافر يجحد وحدانية الله والعياذ بالله!!
____________________
خلي الصلاه خط احمر تنسين اي شيء وتأجلين اي شيء الا الصلاه🌧✋🏻.
استعدي انك تعيشين بدون جوال بس ماتعيشين بدون القرآن الكريم🌧✋🏻.
لاتشتكين للناس وتبكين لهم ويستعطفونك وتخسرين كبريائك اشتكي وابكي لله سبحانه ✋🏻🌧
انوي كل شيء لوجه الله تعالى : بتنامين عشان تتقوين للعباده، بتمارسين الرياضه عشان لما تتقدمين بالعمر ماتصلين على كرسي، ب تهتمين بصحتك وشعرك وبشرتك لانها نعمه ✋🏻🌧.
حجابك خليه كامل متكامل لاتسمعين للي يقولون الحجاب مجرد تغطية رأس لايضحكون عليك ياحياتي انتي الاسلام واضح ، مستحيل ربي سبحانه يأمر المرأه تغطي وجهها ويأمر الرجل يغض البصر اذا كشفت✋🏻🌧
عائشه رضي الله عنها في حادثة الافك تقول ان صفوان رضي الله عنها عرفها لانه يعرف شكلها قبل آية الحجاب طيب لو الحجاب مجرد تغطية شعر ماله داعي تقول عائشه رضي الله عنها هذا الكلام!!
وطبعاً عرفها لانها من شدة الحر كشفت عن وجهها💗.
وكذلك قول الله تعالى (ذلك ادنى ان يعرفن فلا يؤذين ) الايه واضحه لحد يجيب لي تفسير من جزر الوقواق😌.
لو رجل بينه وبين رجل اخر مشكله وحب يضره بيعرف بنته اذا هي كاشفه وجهها وبيضرها ولكن الايه توضح ان الحجاب منع لمعرفة المرأه كي لايؤذيها احد
______________
خلي كلامك موزون وكله حكمه ورضا لله سبحانه وتعالى🤍.
لاتعاملين بالمثل✋🏻ابداً النبي صل الله عليه وسلم راح يتفقد جاره الي كان يفرش له الارض شوك🥺💗.
طبعاً النبي صل الله عليه وسلم ماترك صفه حسنه ماشفناها فيه بأبي هو وامي🌧✋🏻.
في اي مجلس تروحين له ذكريهم بالله سبحانه وتعالى مو عيب ولا شيء ✋🏻 البعض تقول شدعوه داعيه!!
طبعاً من الي ماتتشرف اصلاً تكون داعيه لله عز وجل😌🤍.
الاسلام تاجك يا ملكه والتاج غالي فلا تتهاوني بالتعامل معه🌧💗💗.
-أنستازيا🤍.
احسنتِ