أشياء ما أستغني عنها لبشرتي

السلام عليكم ورحمة الله وبركاته
الصراحة هذي اول مرة اشارك بهالقسم
كنت أدخل استفيد من بعض الوصفات وأرد بس


والحين أنا بغيت أفيدكم بمواد أحس إني استفدت منها لبشرتي
ومع ذلك طبيعية وما تضر بإذن الله

وهذي المواد هي (الطحينة الحلبة موية المر وموية الورد والليمون)

وطبعاً ماعندي طريقة معينة للإستخدام

ولا أخلطهم مع بعض لا
يعني مثلاً مرات أحط الطحينة لوحدها وأخليها من نص ساعة إلى ساعة تقريباً
ومرات أحط الحلبة ومرات أخلط الحلبة مع الطحينة بس

وبعد ما أشيل أي قناع أحطه أفرك بليمونة والله رهيب يابنات عن تجربة مني أنا

وبرضه المر نقعي المر في علبة مويه وحطيه قناع على وجهك لمدة ربع ساعة وبعدين غسليه بماء دافي ثم بارد
وشوفي يوم ينور وجهك سبحان الله ..
طبعاً نوعية بشرتي: مختلطة (عادية)

إذا استفدتوا ادعوا لي بصلاح ولدي وبناتي :26: :26: :26: :)