أشياء مضيقه صدري بالحيل !!!!!!!

شلونكم يا بنات ؟؟؟

انا بخاطري من زمااااان اني اكتب اللي يدور ببالي كل ما اقره المواضيع والردود
عندي شوية شغلات مضيقه صدري ومنها :

1- في مشاركات يعطون اسامي ادويه كيماويه وهات يا تمدح فيها مع انها لازم تصرف عن طريق دكتور مو اي دكتور لازم جلديه .. بس الله يهدي البنات على طول يسألون عن اسمه وشلون العلبه ووووو . بنات نصيييييييحه رقم ( 1 ) انكم اديرون بالكم ولا وحده تاخذ وصفه تنحط بالمعده مثل الحبوب و شراب او كريم دوائي ينحط على الجلد. تره المعده حيل حساسه هذه نعمه من الله لا اتفرطين فيها علشان انه والله امدحتلي فلانه هذا الدوا . ...


2- اي مشكله بالبشره دوري على السبب من داخل جسمج اذا طلعلج حبوب اتراجعين نفسج انتي شنو كليتي يمكن كليتي اشياء دهنيه او اكل انتي فيج حساسيه منها..
تره الحاله النفسيه بعد لها دور كبير في الوجه مرات يسوده او تزيد الهالات السوده والحبوب اللي تطلع نصيحه رقم ( 2) الاكل ثم الاكل حافظي على نسبة الدهون بالاكل ولا تكثرين منه . واذا بخاطرج تاكلين اكل انتي عندج حساسيه منه اكليه بس قبل فتره من مناسبه او عزيمه على ما اتخف الحبوب .. بخصوص الحاله النفسيه انا ما اقدر افتي فيها بس كل اللي اقدر اقوله انه الوحده تستعين بالله وتستعين بسجادتها والقرآن واتحط كل تركيزها فيهم علشان بإذن الله يخف التركيز على جسمج ..


3 - لا تعلبين بالحبوب اذا اطلعت وخصوصا الحبوب بفتره الدوره الشهريه .. اذا لعبتي فيهم اطبع وتترك اثر يعني اتروح الدوره واتجي الدوره الثانيه وهذه الاثار لا الحين موجوده .نصيحه رقم ( 3 ) . انتي اذا لا شعوريا قمتي تنكشينها,على طول شيلي ايدج وانتي كارها هالشي مره على مره اتشوفين نفسج فعلا كارهتا وايدج ما تطلع لها مره ثانيه.


والله يا بنات بقلبي اشياء كثير كثيره ---------> هذه والله قامت اتفلسف

بس ما ابي اصير ثقيله عليكم وانا ارحب بأي ملاحظات

تحياتي ..اختكم فيوليت ------> داشه انتخابات