شكراً عزيزتي فاتن وبس ، بس بالنسبة للفساتين أنا أقصد الفساتين الناعمة البسيطة مش للسهرات
لا عادي يعني لبعد العصر او ليوم العيد فستان ناعم وبسيط ما أبغي المصممين اللي بشارع الرقة
لأني أفصل عندهم إذا عندي عرس أما الفساتين العادية فأبغي خياطة فلبينية أو هندي شاطر في التضبيط
والموديلات .
ياريت يا بنات يكون في تجاوب أكثر خصوصي وأني سألت أسئلة وايد فوق يا ليت تجاوبوني .

وشكراً مقدماً

أم عـــــــيـــــــــــون فـــــــتـــــــــانـــــــــــــــة

مرحبا بنات 00000000
اشوف ها الأيام بنات الإمارات نشاطهم زايد ، فقلت ليش ما أرجع
موضوعي اللي كاتبتنه من فترة يمكن تردون علي وتعبروني
بنات تراني أشوف في الصفحة الأولى كم موضوع وما شاء الله
تفاعلكم معاه ممتاز يا ليت تفيدوني بعد بردودكم بكون شاكرة لكم .

أم عـــــيــــــــون فـــــتـــــــــانــــــــــة

هلا اختي الغالية شوفي بنسبة للشنط آنا بعد اشتري من ناين ويست الشنط غاوية وزينة وماتخترب




كريستيان برنارد وايد راقية ومميزة شكلها((صح كلامج احنا كانا ماخذة منها حلوة وشكلها راقي))


أبغي خياط أو خياط ممتازين في دبي أو الشارجة ؟؟؟؟؟؟؟

في موضوع آنا كاتبة بتفصيل وان بغيتي أي خدمة آنا حاضرة على طول

وعن الفساتين سري صحار محل اسمة باريس سوارية

او مينا روز


وبعد ممكن اتحصلين عن بون مارشية فساتين حلوة

اما قطع الفخمة مووووول ماحد عندة غير العيسائي بس اسعارة نار

الســلام عليــكم...

أختي ((أم عيــون فتــانة))...

ســؤالج الأول وااااااايد مفيـــد... ليـتج تنزلينه في موضوع

بروحه عشـان نستفيد من خبرات البنـات في المنتدى...

عشان ناين ويست معروف ووايدين اللي يتابعون بضاعته..

أحس التجديد مطلوب على طول...

عن نفسي أحاول أشتري من محلات ما يكون عليها إقبال كبير..وإذا

خذت شنطة شكلها كلاسيكي أحتفظ فيها أطول فترة ممكنة..بس أحاول

أراعي الوقت اللي ألبسها فيه.. مثلاً إذا فيها حركات وبر وصوف

أو مخمل.. أخليها حق الشتا..

أما إذا الشنطة شكلها صرعة وكانت وايد منتشرة في فترة من

الفترات وإن لبستها يكون شكلي كأني داشة عرض.. أحاول أقلل

لبسي لها..

وبيني وبينج أهم شي الراحة النفسية.. جديمة ولا يديـدة..

إذا مرتاحة للشنطة وعايبتنج البسيها قد ما تبين..:)

بالنسبة لسؤالج الثاني..أول شي مبـــرووووك عليج الســاعة..

تزينيها ولا تزينج.. من كثر ما عيبتني الساعة خذتها من فترة

هديــة لوحدة غــالية عليه.. بس الفرق الوحيد إن المينا صدفية..

وبالنسبة لسؤالج الثالث.. على كثر المراكز ومحلات النعلة-وانتي بكرامة- عندنا..

بعد أحس إنه ما عندنا اختيارات وايدة.. يعني وايد من المحلات بضاعتها متشابهة..

حاولي تزورين ماريا بينو في الستي سنتر.. ومحل ميلانو.. وبرتي فت في مركاتو..

ودومينو.. وإن شا الله تلقين شي يسرج...

وبالنسبة للخياط... عندج خياط اسمه الرنيم في مركز الممزر..

اللي تفصل فلبينية.. وهي اللي تاخذ القياسات.. زوريها زياره

تفقدية وشوفي كيف خياطتها.. عشان تقدرين تقررين اذا بتخيطين

عندها ولا لا...

إن شــا اللــه إني أكون توفقت في الرد...

تحيــاتي لج.. والسموحة على التقصيــر..:26: :26: