على الله يازمن بشكي جروحي والليالي طـوال
عسى راعي العنا ينسى عناه وينشرح صـدره
على الله يازمن بشكي همومي والهمـوم جبـال
تعدّت عاصمة حزنـي حـدود العالـم بأسـره
خسارة يالسنين اللي كتبتـي سيـرة الرحّـال
فرحت أمس وحزنت اليوم بس الخوف من بكره
لساني كم شكى صمته والى منه حكـى ماقـال
طغى طبع السكوت بسيرة المحروم من صغره
كبرت وكبرت أحلامي وصارت قصة الترحال
أماني في مهب الريح وحلـمٍ ما إكتمـل بـدره
بعين اللي مع أيامه جلس يبكي على الأطـلال
تذكّـر ماضـي أيامـه إليـن خنقتـه العبـره
أنا منهو حمل همّه على راسـه تقـول عقـال
مجاديف الزمن دارت عليـه ونسّـف الغتـره
وأنا منهو فقد صوته وبعض الصوت به مـازال
دعيـت الله يفرّجهـا علـيّ وبحّـت النبـره
أشيل الحمل عن غيري وحملي صار ماينشـال
كما الشيخ الهزيل اللي مشيبه منقـضٍ ظهـره
عزيزه يالعيون اللي حضنتي دمعـة الرجـال
حبستي دمعته بين المحاجر يوم ضـاع أمـره
عزيزه يالحروف اللي سكتّـي والكـلام يقـال
حكيتي ماشكيتي الهـم وهـم القلـب ياكبـره
عزيزه ياليدين اللي ثنيتك بأصعـب الأحـوال
أكفّك ساعة الحاجـه وأمـدّك ساعـة القـدره
وعزيز النفس لو يصبر على صبر الليالي نال
أبصبر والرجل يصبر ومقياس الرجل صبـره
جروحي مزنةٍ منها هطل فيض الشعـر همـال
سقت جدب العروق اللي تبلل ريقهـا قطـره
وعن حر الزمن صار حروفي للجروح ظـلال
تذرّت عن هبوب اليأس حلمٍ قد بنـى قصـره
عساها للمطر روحٍ بها وادي الظمـا ماسـال
عروق سنينها جفت و وراهـا الزمـن غـدره
وعساها للمطر روحٍ خلص مرباعهـا ماطـال
كساها ثوبها الأصفر وكانت تلبـس الخضـره
على الله ينجلي وقـتٍ قضيتـه هـمٍ وغربـال
ويشعّ النور في قلبٍ غشى ليل الظَلَـم فجـره
على الله والولي الله وبأمـر الله يزيـن الحـال
ويضحك للزمن قلبٍ مع همومه قضـى عمـره
جُــــــღــــوري @gghory
عضوة نشيطة
يلزم عليك تسجيل الدخول أولًا لكتابة تعليق.
كدش فوشي :
يـــــــــآآآي أنـــآ أول وحده ارد..يـــــــــآآآي أنـــآ أول وحده ارد..
الله يسلمك ياقلبي
هههههه
ايه أول وحده تنوّر صفحتي
فديت الطله وصاحبتها
:27:
..
هههههه
ايه أول وحده تنوّر صفحتي
فديت الطله وصاحبتها
:27:
..
يالبيه كلك على بعضك عسل
راقت لي القصيده مراااا ابداع
تسلم يمناك ياعسل
لاعدمناك
^_^
راقت لي القصيده مراااا ابداع
تسلم يمناك ياعسل
لاعدمناك
^_^
:7_5_131:وأنا ثاني وحده<خخخخ مستاااانسه
على الله ينجلي وقـتٍ قضيتـه هـمٍ وغربـال
ويشعّ النور في قلبٍ غشى ليل الظَلَـم فجـره
روووعه ماطرحتي
ودمتي ياعسل
على الله ينجلي وقـتٍ قضيتـه هـمٍ وغربـال
ويشعّ النور في قلبٍ غشى ليل الظَلَـم فجـره
روووعه ماطرحتي
ودمتي ياعسل
الصفحة الأخيرة
وربي جنـــآأإأآأإأآن..
الله يحفظك من كــل شـر...