شلووووونكم حبيباتي
اليوم سويت لكم طبق جديد :cook: ألا وهو :: أصابع البطاط بالجبن والهلابينو
كان من ضمن عشا اليوم ويم يم يمييييي طلع لذييييذ حيييل خاصة مع الجبن السااااااايح اللي داخله
تعالوا معاي للمقادير والطريقة ::
بسم الله نبتدأ ^_^
المقادير ::
- 2 بطاط مسلوق
- جبن مازوريلا + جبن شيدر (مبشور)
-فلفل الهلابينو
- بقسماط
-طحين
- ملعقتين حليب بودر
-ملعقة صغيرة فلفل أسود + ملح
- بيضتين
يتبعـ ,,
1- أول شي نقطع البطاط المسلوق ونضعه مبااااااشرة على الجبن عشان يذوب من حرارة البطاط ::
2- نهرسه كله عدل عدل ::
وهذا شكله بعد الهرس والخلط ::
3- نضيف ملعقتين حليب + الفلفل أسود والملح + الهلابينو ::
وهذا شكله بعد الخلط ::
4- نسوي كور متوسطة الحجم بعدين نشكلها على شكل أصابع مفتوحة ( عشان نحشيها بالجبن ) بهالشكل ::
5- بعد ما نحشيها بالجبن نسكرها عدل ونقلبها بالطحين ثم بالبيض ثم بالبقسماط وهذا شكلها قبل النهائي (( قبل القلي بالزيت )) ::
6- نحمي الزيت لي ما يصير حاااار بعدها نقليهم على نار شبه هادئه عشان يذوب الجبن اللي داخلهم .. وهذا اهوه الشكل النهاااااااااائي بعد ما زينته بالبقدونس والليمون ::
هااااا بناااااااااااااات شرررايكم ؟ أبي آرائكم وتعليقاتكم وتطبيقاتكم أكييييييييييد ^_^
وإذا في أي سؤال انا حاااااضرة .. ألف عاااااااااااافيهـ :cook: