في يوم من الأيام ( من فترة طويلة ) كنت تعبانة وأخذت لي غفوة من بعد المغرب ( أيام ما كان المغرب متأخر مو زي هالأيام ) العيال جاعوا وما لقوني في وجيهم فخططوا يسووا العشاء قررت بنتي الكبيرة وولدي الكبير على أصابع دجاج
الولد راح جاب الدجاج والبنت جهزت العشاء ولما جلست شميت الريحة يمممي وأصابع الدجاج كانت لذيذة والمقادير كانت من راس بنتي ( زين طلع من تحت يدها طبق لذيذ مو تطبيق خخخخخخ )
علشان كذا الصور راح تكون للطبق وهو جاهز بدون الخطوات لأني كنت خخخخخخخخخخخخخخخ
المقادير
صحنين صدور دجاج مقطع أصابع
خلطة الكورن فليكس
مقدار من الكورن فليكس + 4/1 المقدار بقسماط + بابريكا + فلفل أسود + ملح + ثوم بودرة
نطحن الخليط حتى يصير مجروش
خلطة النقع
3 بيضات + 1 ملعقة أكل جبن سائل + 2 ملعقة أكل حليب مبخر ( حق الشاي ) + ثوم مهروس + فلفل أسود + فلفل أحمر ناعم + ملح + بهار مشكل قليل + فلفل أحمر حار مجروش + شوي خل أوممكن عصير ليمون
الطريقة
ننقع أصابع الدجاج في الخلطة ساعة أو اكثر ثم نغبره بالدقيق ثم بخليط النقع مرة ثانية ثم في خليط الكورن فليكس
وفي صينية فرن نحط شوي زيت ونرص الأصابع ونرشها بشوي زيت وعلى حرارة 220 ْم من 20 – 25 دقيقة
الصووووووووووووور
الكمية هذي مقلية صارت شوي قاسية و لما ما عجبتهم شغلة القلي دخلوها الفرن
هنا في الصينية
هنا شكل الدجاج من الداخل طري وخفيف
وبالعافيييييييييييييييييييييييييية
تسلم الايااااااااااادي