أصبت بانفلونزا وحراره آلالالام في كل جسمي أرجو المساعده؟؟

حبيبتي انا مثلك وصرفولي نفس المضاد وانا باخر الثالث وخلصت العلبه


والحمد لله اخف الحيين كثيرر


توكلي على الله وخذيه

نصيحة مني لج

انا صادني زكام فتك بمخي

والله صرت ارعى بعصير البرتقال والليمون

والله انه دواء

انا في فترة الحمل ما احب اخذ اي ادوية

وخليت العصير اهو دواي

وين كنا واشلون صرنا فرق كبير

طول اليوم اشربي بالعصير وما تشوفين شر

الله يكون بعونك عزيزتي إذا كنتي تعبانه حيل توكلي على الله وأخذي المضاد أنا يوم كنت حامل في ولدي بالشهر السابع طلع في وجهي خراج وقالوا بنج كامل تخيلي دخلوني غرفه العمليات وشقوا وجهي وحطولي فتيله وأنا مادري عن الدنيا والحمد لله جبت وليدي بالتاسع والله طول فتره الطلق وأنا بس أدعي أنه يكون سليم من كثر المضادات والأدويه إلي خذيتها من الشهر السادس إلين التاسع وأنا أبلع فيها والحمد لله على كل حال جا حمودي ومافيه إلا العافيه وقل لن يصيبنا إلا ماكتبه الله لنا

انا بعد عندي لحين نفس الشي

ومارحت مستشفى خايفه من المضاد...

وقاعده اشرب طبيعي

الله يستر

لما كنت حامل بولدي الدكتوره كتبت لي مضاد وخفت وخليته يولي وكنت توني بأول شهوري الثالث يمكن والله بغيت اموت جسمي ينتفض وبردانه وآلام بعضامي وحراره عاليه ولوز الدكتوره حطت لي 2مغذي ويوم ماقدرت اتحمل اخذت بندول العادي مب اكسترا مع غرغرة ماء دافىء وملح وعصير برتقال وسواااااااااائل عشان الحراره حتى كل اللي اخذتهم اظن ثلاث حبات بندول والحمد لله رب العالمين الله لا يعيدها علي مره ثانيه..