والله انك صادقه

والله يفرج هم صديقتك ياسكوت وخليها تستخير قبل تسوي اي خطوه اكثر من مره

الله يبارك فيكم يا أحلى خوات

ومشكورات ألف شكر وجزاكم الله خير


والله نصايحكم كلها ثمينة وبإذن الله الحي القيوم أول ما أطلعها على ردودكم أرد عليكم
وأبلغكم عن موقفها الجديد بعد هذي النصايح


وعلى فكرة أي أخت كريمة تقرأ الموضوع تشارك بنصيحتها وتجربتها
والله يوفقكم ويجزاكم كل خير



:26: :26: :26:



أختي الفضلة نحو المعالي
كلامك والله عين العقل
المشكلات اللي في حياتنا كلنا حنا سببها
(قل هو من عند أنفسكم )

ولا تتعجبين يالغالية
ياما الإنترنت والفضائيات ياما دمرت بيوت
وفككت أسر مترابطة

والسؤال اللي فعلا لازم نوجهه لأنفسنا أين نحن من الله ؟؟

على كل حال
أنا اللي أعرفه عن صديقتي
إنها كانت مرتبطة بالله
ومقبلة عليه قبل الزواج
لكنها على ما يبدو لي قصرت بعد الزواج من كثر التفكير والمشكلات

الله يخليك كملي
كلامك والله مؤثر ومفيد لنا كلنا




أختي الكريمة جذابة
تصورك عن شخصية صديقتي فعلا حقيقي
وكأنك عارفتها
هي فعلا شخصيتها ضعيفة قدامه

لكن للأسف أحيانا تثور وتعصب وتصارخ
وتفقد أعصابها
والله طبيعي الإنسان مهما حاول يصبر لا بد تجيه
ساعة ةينفجر ويطلع كل شيء



هلا فيك غاليتي النحلة زينة
بس كلامك خوفني

يعني ممكن يكون الطلاق هو مصير هالمسكينة
الله يكون في عونها

وإنت معاك حق
الوحدة معززة مكرمة بين أهلها وأخوانها
وتاليتها تتزوج واحد لا يقدرها ولا يحترم وجودها
وبعد ما كانت مرتاحة ومتوفر لها كل شيء
يجي يهينها ويستغلها

الله المستعان
والله يكتب الأجر والمثوية



أختي الغالية رم&رم

أنا متصورة إنها راح تضطر للحل هذا إذا هو ما تغير




غاليتي السمسومة
أنت وأنا متفقين مع النحلة زينة

لكن كل تضحية في الحياة هذي ما تضيع عند رب العالمين

الله يجزاك خير على دعواتك لها ويبارك فيك



والله يجزاكم خير كلكم يا أروع وأحلى خوات

اسال الله العظيم رب العرش الكريم ان يفرج همها ويزيل كربها وجميع المسلمين

أسأل الله العظيم أن يسخر لها زوجها ويسعدها ويفرج همها

ويفرج هم جميع الزوجات يارب

هذا أبسط شئ أستطيع تقديمه لها ,,, لكن يبقى الحب يذيب جميع الخلافات

وفيه فرق بين العتاب وبين الحب ,,, لا تعاتبه تاخذه في حظنها

تعبرله عن شوقها بس مو في كل وقت ,,,

تحياتي

الله يجزاكم خير يا أشجان

وبنت جدة

والله يتقبل منكم دعواتكم ويجعلها في موازين حسناتكم
ومشكورة حبيبتي بنت جدة على نصيحتك



عموما خواتي الغاليات
صديقتي شاكرة لكم وقفتكم هذي

وتقول بعد إنها استفادت مرة مرة من نصايحكم

والظاهر إنها ناوية تتخذ موقف جديد من حياتها

وتحول إنها تغير نفسهل

وبصراحة
المشكلات اللي في حياتها تقريبا 50% منها بسبب حالتها النفسية


يعني هي بصراحة محولة العيب كله فيها
ومتحطمة حيل
وحاسة إنها هي اللي ما تستاهل تكون زوجة
وما تستاهل على حد قولها إلا إنها تكون شغالة

تصوروا كيف صارت تعبر عن نفسها

وتشوف إنها فاشلة في الحياة الزوجية
ولو ماهي فاشلة ما كان صار لها اللي صار

بصراحة خواتي
هي من الناحية النفسية منتهية

وما أدري
لكن والله اللي أشوفه إنها من أحسن البنات
بالعكس جميلة وأخلاق وذوق وتدين
وكل من شافها على طول عشرتي فيها كل من شافها حبها

حتى خواته وأهله

لكن واضح إن الرجال كان يتمنى ملكة جمال
من كل النواحي

ولما شافها مو على قد نظره قام يجرح فيها
حتى جتها ردة فعل وفقدت الثقة في نفسها تماما

والله حتى أنا عجزت أوصل لحل مع مشكلتها

ما أقول إلا الله يكون في عونها


ما أنسى
تقول إنها شاكة إنه يحبها من داخلة لأنها أحيانا تحس في شي زي كذا

بس ترجع تشك في الأمر هذا نتيجة تعاملة معاها أحيانا


وتقول بعد من الناحية المادية مو مقصر معاها

وتشكركم شكر جزيل وتسلم عليكم