أصحاب الحكمة ...والعقل الراجح ...والمنطقيه في الحل .. ماأستغني عنكم؟

الأسرة والمجتمع

السلام عليكم ورحمة الله وبركاتة :26:

بنات امس عرضت علي صديقتي مشكلتها مو أخوها (أنا صراحة ماأسميها مشكله قد ماهي أسلوب خاطئ).... وأعطيتها الحل من وجهه نظري وأعجبها الحل وتقول راح أطبقة من الأسبوع الجاي على خير أنشالله... وفكرت أعرضه عليكم نتناقش فيه ويمكن يكون حلي المزعوم غلط فأقولها تتلاشاه...:)

المشكلة يابنات.... تقول أن أخوي انسان حبوب وملتزم وماعليه ومعاهم موب شين اسلوبه وزوجته انسانه غامضه ماتدرين وش اللي بخاطرها ومجامله لأبعد درجه وكافه شرها عنا اللي هنا مضبط..
تقول ...أخوي عاجبته زوجته يقول أخلاقها حلوه ومهتمه بالبيت والله يسعدهم ماعلي منهم..
بس المشكلة من يجي للبيتنا ..يبدأيسولف اغلب سواليفه (المدام والمدام ...وفيها ومافيها) مدح فيها ويرحمها على أشياء ماتستدعي يعني مثلا عندها موعد أسنان واهي اللي ماخذته بالوقت اللي تبي يقول _ مسيكينه _ موعدها باليل ..طيب على ايش مسكينه اهي اللي خذت الموعد برضاها واسنان الحمدالله مو شي كايد ...:22: الى حد هنا أنا قلت لها أذا طولها معكم حاولي تغيرين الموضوع بسالفه تهم الجميع بدون ماتقولين له شي (أزعجتنا مثلا ولا خلاص عاد) يعني هالعبارات اللي تحسسه انك متضايقه لاتقولينها ..

والمشكلة اللي هي راس الموضوع ...تقول عمري وعمر زوجته متقاربه نوعا ما يعني بينهم 4 الى 5 سنوات وتقول : اني مثل أي بنت ماأحب الطبخ مره ولاأدخل المطبخ ولا أشتغل بالبيت عندنا خدامه والحمدالله وعددنا موكثير والبيت مو كبير مره وانا عايشه حياتي مثل باقي البنات (اخوها بيت مستقل)
..تقول بس أخوي غالبا يقولي: قومي أطبخي تعلمي أشتغلي .شوفي فلانه(زوجته) تعرف تطبخ _ طيب فلانه هاذي متزوجه والطبخ من واجباتها مو تكرم منها تطبخ لك_ تقول بقلبي أقول هالكلام ماقد فكرت أقوله كذا.. خليك مثلها..
وموقف ثاني تقول كانوا جالسين أخوها وأهلها بس وقال اخوها نبي نروح نسلم على ...... أحد قرايبهم..
تقول : قلت أنا مالي خلق روحه وسلام باتصل بالتليفون وخلاص ..قال: ليه تتصلين شوفي (فلانه) أهي الللي تقولي ليه ماتروح تسلم وانتي تقولين تيلفون وخلاص ..
تقول ان ابوي بعد ماسمع كلامه: عصب علي وكبرت بنفسه وحس اني مقصره لدرجه انه غلط علي وانا مو متعوده من ابوي يتلفظ علي ...:(

*** البنت تقول اني بكل الموقفين وكل المواقف اللي مرت علي ..ردة فعلي السكوت ولا عمري قلت زوجتك فيها ولا مافيها ...تقول قسم بالله اني أحرق بنفسي واسكت ..
لاكني أحس بالأهانه والتقليل من شأني اذا هزبني بأحد ثاني ( زوجته) مع أن هاذا الأحد مو موضع مقارنه يعني لاأحنا جارات ولا سلايف...
وياكثر المواقف اللي تصير من هالشكل وأعظم بس أختصرتها لكم بنات ابي حل منطقي..
ملاحضة... البنت اخت الزوج انا اعرفها شخصيا ماشيه بجنب الحيطه .يعني هدؤ,, وكتومه,,ولا وتغلط على زوجة اخوها ولا أخوها ,,تشتري لأطفال أخوها هدايا بين فتره وفتره ..وبشهادة الجميع ..

***زوجة الأخ ..تقول لصديقتي اانا اذا ماأشتهت روحه ولا عزيمة ولاسلام خلاص ماأطلع ..جعل فيها اللي فيها ماعلي من احد اهم شي مااجبر نفسي ..وتقول لزوجها لازم تروح تسلم على أقاربك( تميلح عليه أضاهر) عشان تكسبه وهو مصدقها وهذا شي بينها وبين ربها ..بس كلامها مع اخت زوجها يناقض كلامها مع زوجها والطقه على راس صديقتي ..المسكينه ...وبرضوا مو بس موقف السلام قد صار وقالت كلام لصديقتي انها تبي شي معين وصديقتي بعد تبيه ..وطلبته صديقتي من أهلها وقال اخوها :أن فلانه تقول انا ماابي عاذا اشي لأني بتعود عليه ( يعني اعطته اجابه انها امرأه مثاليه) واهي قايله لصديقتي أني خاطري فيه:42: تناقض عجيب..او تميلح عجيب:hahaha:

بنات ..لا تطبون بالهواش والفهم الخاطئ كعادة بعض العضوات الله يهديهم ..
البنت ماتبي شي يخرب على حياة اخوها وزوجته ولا تبي علاقتها مع اخوها وزوجته تخرب ..تقول بس أبي تصرف :
1_ يجعل من أخي انسان يلزم حدوده معي ..في المقارنه والتهزيب بازوجته.لان هاذا تقليل من شأني امام وخاصة امام أهلي ..
2_ أسلوب راقي دون غلط وردود منطقيه أذا تكلم معي وبدأ يفتح الموضوع دون تجريح.أرد عليه ويحس اني مو أردى خلق الله وان زوجته مازادت علي بشي..واهاذا واجبها وانا بعد بيأتي اليوم الي بتحمل فيه البيت والطبخ والمسؤليه مثلها..


:26: :26: :26:

شاكره لكم خواتي بس لاتطولون عليا:)
9
639

يلزم عليك تسجيل الدخول أولًا لكتابة تعليق.

تسجيل دخول

رشف العطاشا
رشف العطاشا
والله يالعنود انا اشوف ان صديقتك حساسة شوي ..
افضل حل من رأيي انها ماتدقق كثير على كلام اخوها وتطنش الموضوع . لان شكلها مركزه عليه اكثر من اللازم
العنود القيد
العنود القيد
ياقلبي رشا عطاء ... كثر الدق يفك اللاحام على قولتهم ..لوكان كل موقف ابيخ من الثاني بس ترا مع التكرار يوصل الشخص لمرحلة ماتوقعها ...... وللصبر حد...
والبنت ماركزت على الأخ البنت مركزه على تعامل الأخ معها وأحترام ذاتها ..لأن كل انسان له مميزاته اللي تميزه عن غيره وله طريقته بالحياة (ولاتزالون مختلفين)هاذي حكمة الله في خلقه..من الغلط ان نطلب من الشخص ان يكون نسخه من غيره ...
ومشكوره على المرور ..
اسرار الغلا
اسرار الغلا
حبيبتي لاتزعلين من الصراااحة
فارق السن صغير بينهم يمكن الغيره تلعب دور والله اعلم تشوف انها متزوجة وزوجها يحبها ويمدحها ويخاف عليها عادي اغلب الرجال كذاا زوجته لو ماتسوي شي وهو يحبها يشوفها ملاااك
ومن كلامك انها عادي معكم وحبوبه وكافيه خيرها وشرها
والطبخ ترى كل الاخوان يقولون كذا كان اخوي يخلي زوجته نايمه وانا اللي اكوي له ملابسه لانه بيطلع عادي هذا يحصل كثير لكن ماندقق اخوي اتحمله ويتحملني
خليك عاديه لاتدققين وتحسسين ان اخوك يقصد كل كلمة

انت لو تتزوجين ماتتمنين رجال مثل اخوك يعاملك زي مايعامل زوجته ؟؟؟
اسالي نفسك هالسؤال وكل ماشفتي اخوك زين بالمعامله مع زوجته ادعي ربي يرزقك زوج مثله واحسن وبتتحسن نفسيتكتصدقين اخواني احيانا يمكن يتكلم قدامنا وزوجته مو موجوده ينتقد بعض تصرفاتها وحياته معها
يمكن بيشوف وجهة نظرنا فيها او يمكن صادق لكن والله بكل الحالتين مانرضى عليها اي شي مهما كانت مقصره شدخلنا حياتها وزوجها وهي ادرى وعاجبته
خليها تكووووون عاديه مو يكون تفكيرها منحصر في اخوها وزوجته شنو قالوا وشنو عملو
العنود القيد
العنود القيد
شيوخ العز ...هلابك يالغلا... قد تكون غيره انثى وهذا الشي فطره ...وكونها تتمنى زوج صالح يحبها يراها أفضل خلقه أيضا هذا امر من البديهي أن تتمناه أي فتاه في عمرها...وحتى المتزوجه تتمنى المزيد من الحب والصلاح ..
لاكن الموضوع ياقلبي ليس في الغيره ولا ليه يعاملها كذا الموضوع ...
لماذا يقلل من شأنها وهي أخته ويهزبها بزوجته ,,حتى ولو كانت كما يحب زوجت ,,
فأنا كاشخصي لاأرضى على نفسي مثل هالاسلوب والأنتقاد لي أمام الباقين مهما قصرت فانا لست محاسبه ولا مجبوره وليس من واجبي ولو فرضنا وكنت مقصره ...أنتقدني لأنك أخي صح لاكن لنقد أصول وآداب ..ليكن هادف..
فالموضوع يالغلا مره ثانيه اكرره ليس في حياة الاخ ولا زوجته الموضوع في كيف تعامله وتوقف هالأسلوب ...
شاكره لك حبيبتي..
العنود القيد
العنود القيد
namire_ra
هلا يالغاليه ..أشكر لك تفهمك للمشكلة والجواب بمصداقيه وواقعيه..
وأنشالله انقل حلك لها ...لاكن ماتتوقعين المواجهه ممكن تفاقم المشكلة ..ويمكن الأخ مايتقبل الصراحة ..فأعتقد ان المواجهه حاصله لاكن أذا نفذت جميع الحلول ...اكرر شكري لمررورك الطيب...